ኮቪድ-19 (አዲስ ኮሮናቫይረስ) - መረጃ፤ አገልግሎት፤ አና ንብረት የዋሽንግተን ስቴት

ከቤት መውጣት እና COVID-19 ክትባት መፈለግ አይቻልም? 

ለመመዝገብ ሶስት መንገዶች አሉ

ኮቪድ-19 የ አገልግሎት መሥመር

ስለ ኮቪድ-19 ጥያቄ ካሎት, አባኮትን በ 1-800-525-0127 # ን ይጫኑ፡፡ ምላሽ ሲያገኙ, ቃንቃዎን በመንገር የ ትርጉም አገልግሎት ያግኙ፡፡ የስልክ መስመሩ ከ ጠዋቱ 6 ሰአት አስከ 10ሰአት. ከሰኞ አርብ እና አርብ ከጠውቱ 8 ሰአት 6 ሰአት እንዲሁም ቅዳሜ እና እሁድ ክፍት ይሆናል፡፡

ወቅታዊ መረጃ

የክትባት መረጃን ጨምሮ ስለ COVID-19 የቅርብ ጊዜ መረጃዎችን ለማግኘት፣ ይጎብኙ:

በዋሽንግተን ግዛት ውስጥ ያሉ ሰዎች በቤት ውስጥ በሚገኝ የህዝብ መሰብሰቢያ ቦታ ወይም ክትባት ካልተከተቡ፣ ከቤት ውጭ እና ከሌሎች ሰዎች ርቀው 6 ጫማ (2 ሜትር) መቆየት የማይችሉ ከሆነ፣ የፊት መሸፈኛን ማድረግ ይጠበቅባቸዋል።

ሙሉ በሙሉ ክትባት የወሰዱ ሰዎች ግን ህዝብ በብዛት በሚሰባሰብባቸው አካባቢዎች እና ቦታዎች ላይ ካልሆነ በስተቀር ያለ ጭምብል ከቤት ውጭ እንቅስቃሴዎች እና መዝናኛዎች ሊሳተፉ ይችላሉ። ሰዎች በሁለት-ዶዝ ተከታታይ (Pfizer-BioNTech ወይም Moderna) ሁለተኛውን መጠን ከተቀበሉ ከሁለት ሳምንት በኋላ ወይም ነጠላ-ዶዝ ክትባት (Johnson and Johnson (J&J)/Janssen) ከወሰዱ ከሁለት ሳምንት በኋላ ሙሉ በሙሉ ክትባት እንደተወሰዱ ተደርገው ይቆጠራሉ።

አንዳንድ ሰዎች የፊት መሸፈኛ ለማድረግ አስጊ ሊያደርግ የሚችል የጤና እክሎች ሊኖሩባቸው ይችላል፣ሆኖም ግን ማንም ሰው የጤና እክል እንዳለበት ማረጋገጫ እንዲያሳይ አይጠየቅም። ስለዚህ ሁሉም አሰሪዎች ብቻቸውን ለማይሰሩ ሰራተኞች ሁሉ የፊት መሸፈኛ ወይም ጭምብል ማቅረብ ይጠበቅባቸዋል።

ለሁሉም የኢነርጂ፣ የመስመር ስልክ እና የዉሃ መገልገያዎች፣ እስከ ጁላይ 31፣ 2021 ድረስ በአገልግሎት መቆራረጥ እና ቀን ያሳለፉ ክፍያዎች ላይ ጊዜያዊ እገዳ አለ። ነዋሪዎች ሂሳባቸው በመክፈል እንዲያግዛቸው ለመጠየቅ በቀጥታ ለመገልገያ ድርጅቱ እንዲደውሉ ይበረታታሉ።

አስተዳዳሪው እስከ ጁን 30፣ 2021 ድረስ ማባረር ላይ በግዛቱ ሁሉ ያለውን ጊዜያዊ እገዳ አራዝሞታል። የእርስዎ የመሬት ባለቤት ወይም የንብረት አስተዳዳሪ ጊዜያዊ እገዳውን እየጣሰ ከሆነ፣ በ (833) 660-4877 በመደወል እና አማራጭ 1 የሚለውን በመምረጥ Office of the Attorney General መደወል እና መልእክት መተው ይችላሉ። የሰራተኛ አባል ስልክዎን ይመልስልዎታል።

የዋሽንግተን ድጋሚ መከፈት

አገረ ገዢ Jay Inslee የ COVID-19 ስርጭትን ለማስቆም የመከላከያ እርምዎችን እንዲወስዱ ለነዋሪዎች ጥሪ አቅርበዋል።

የክትባት ሁኔታዎ ምንም ይሁን፣ በህዝብ ቦታዎች ውስጥ ሳሉ ራስዎን እና ሌሎችን ለመጠበቅ እርምጃዎችን አሁንም ቢሆን መውሰድ አለብዎ። ይህም ጭምብልን መልበስ፣ ከሌሎች ሰዎች ቢያንስ ስድስት ጫማ ርቀው መቆየት እና የተጨናነቁ እና ደካማ የአየር ዝውውር ያለባቸው ቦታዎች ከመገኘት ማስቀረትን ያካትታል። በተጨማሪም፣ መካከለኛ ወይም ከፍተኛ-መጠን ስብስቦችን ማስቀረት እና በተለይም የታመመ ሰው አቅራቢያ ከነበሩ የ COVID-19 ምልክቶችን መከታተልዎን መቀጠል አለብዎ። የ COVID-19 ምልክቶች ከተሰማዎት፣ ይመርመሩ።

ስለ አሁኑ የካውንቲ ድጋሚ የመክፈት ምዕራፍ ለተጨማሪ መረጃ የካውንቲ ሁኔታ ድረገፅ (በእንግሊዝኛ ብቻ) ን ይጎብኙ።

በአሁኑ ወቅት የተፈቀዱ ዋነኛ ተግባራት የሚከተሉት ናቸው:

  • አስፈላጊ ተግባራት ልክ እንደ ግብይት፣ ነዳጅ መቅዳት፣ መድሃኒት ማግኘት ወይም ለህክምና ቀጠሮ መሄድ።
  • በአስፈላጊ ንግድ ወይም በአገረ ገዢው እቅድ መሰረት ድጋሚ እንዲከፈት በተፈቀደ ንግድ ወደ ስራ መሄድ።
  • በአቅራቢያዎ ከሚገኝ ምግብ ቤት ለመውሰድ የተዘጋጀ ምግብ መውሰድ። በምዕራፍ 2 እና 3 ውስጥ በጣቢያው ላይ ለተወሰኑ ቁጥር ያላቸው ተመጋቢዎች ሬስቶራንቶች ክፍት ናቸው።
  • ሁለት ሜትር (ስድስት ጫማ) አካላዊ ርቀት እስከጠበቁ ድረስ በእግር ጉዞ ለማድረግ ይሂዱ እና ከቤት ውጭ የሚደረጉ ስፖርቶችን ይጫወቱ። ከማህበረሰብዎ ውጭ የ COVID-19 ስርጭትን ለማስቀረት በቤትዎ አቅራቢያ ባሉ አካባቢዎች ውስጥ በመዝናኛ እንቅስቃሴዎች ይሳተፉ።
  • የስቴት ፓርኮችን እና የህዝብ መሬቶችን ለዓሳ ማጥመድ፣ ለአደን እና ለሌሎች የመዝናኛ ዓላማዎች በቀን መጠቀም። በምዕራፍ 2 እና 3 ላይ ባሉ ካውንቲዎች ውስጥ በሚገኙ በስቴት ፓርኮች ውስጥ ማረፍ ይፈቀዳል።
WA Notify የስማርት ስልክ መተግበሪያ ማስታወቂያዎችን ያሳያል
Image
WANotify FlowChart AMHARIC FINAL

Washington Exposure Notifications (የዋሽንግተን ተጋላጭነት ማሳወቂያዎች) (WA Notify (WA ማስታወቂያ) ተብሎም ይጠራል) ለ COVID-19 የተጋለጡ ሊሆኑ የሚችሉ ሰዎችን ለማስጠንቀቅ ማንኛውንም የግል መረጃ ሳይጋራ በስማርት ስልኮች የሚሰራ አዲስ መሳሪያ ነው፡፡  ሙሉ በሙሉ የግል ነው፣ እና እርስዎ ማን እንደሆኑ ወይም የት እንደሚሄዱ አያውቅም ወይም አይከታተልም።

የእርስዎን WA Notify ሲያበሩ ስልክዎ በአቅራቢያዎ ካሉ የራሳቸውን WA Notify ካበሩ ሰዎች ስልኮች ጋር እንዲሁ የዘፈቀደ፣ የማይታወቁ ኮዶች ይለዋወጣል። መተግበሪያው ስለ እርስዎ ምንም መረጃ ሳይገልጽ እነዚህን የዘፈቀደ ኮዶች ለመለዋወጥ የ Bluetooth Low Energy (BLE ብሉቱዝ ሎው ኢነርጂ) ቴክኖሎጂን ይጠቀማል፡፡ ካለፉት ሁለት ሳምንቶች በኋላ እርስዎ አቅራቢያ የነበሩ ሌላ የ WA Notify ማሳወቂያ ተጠቃሚ ለ COVID-19 አዎንታዊ ምርመራ ካደረጉ እና የመተግበሪያውን የማረጋገጫ ኮዱን በመተግበሪያው ላይ ካከሉ፣ ተጋላጭነቶች ሊኖርዎት እንደሚችል የማይታወቅ ማሳወቂያ ያገኛሉ፡፡ ይህ በፍጥነት የሚያስፈልግዎትን እንክብካቤ እንዲያገኙ ያስችልዎታል እንዲሁም COVID-19 ን በአካባቢዎ ላሉት ሰዎች እንዳያዛምቱ ያግዝዎታል።

በ iPhone ላይ፣ በቅንብሮች/በሴቲንግስ ውስጥ የተጋላጭነት ማሳወቂያዎችን ያንቁ/ያብሩ፦

  • ወደ Settings (ቅንብሮች) ይሂዱ
  • ወደ Exposure Notifications (የተጋላጭነት ማሳወቂያዎች)  ወደታች ዝቅ ያድርጉ
  • “Turn on Exposure Notifications (የተጋላጭነት ማሳወቂያዎች  ያብሩ)” ጠቅ ያድርጉ
  • United Statesን ይምረጡ
  • Washingtonን ይምረጡ

በ Android ስልክ ላይ፦

  • ወደ Google Play Store ይሂዱ
  • የዋሺንግተን ተጋላጭነት ማሳወቂያዎች መተግበሪያን ያውርዱ (WA Notify)

የተጋላጭነት ማሳወቂያ FAQ (ተደጋጋሚ ጥያቄዎች)

1.    WA Notify ለመጠቀም መርጬ መግባት አለብኝ?

አዎ። WA Notify ነፃ እና በፈቃደኝነት ነው። በማንኛውም ጊዜ መርጠው መውጣት ይችላሉ። በቀላሉ ባህሪውን ያጥፉ ወይም መተግበሪያውን ይሰርዙ። ስልኩ በአቅራቢያ ካሉ ሌሎች ተጠቃሚዎች ያከማቸው ሁሉም የዘፈቀደ ኮዶች ይሰረዛሉ እና መልሶ ማግኘት አይቻልም፡፡

2.    WA Notify የእውቂያ ፍለጋ መተግበሪያ ነው?

አይ። የእውቂያ ፍለጋ/አሰሳ ለ COVID-19 አዎንታዊ ምርመራ ካደረገ ሰው ጋር ማን እንደተገናኘ ይለያል። WA Notify እርስዎ ስለሚገናኛቸው ሰዎች መረጃን አይከታተል፣ ስለሆነም “የእውቂያ ፍለጋ” አያደርግም። መተግበሪያው ማንኛውንም የግል መረጃ አይሰበስብም ወይም አይለዋወጥም፣ ስለሆነም ከማን ጋር እንደተገናኙ ማንኛውም አካል ማወቅ አይችልም።

3.    "ተጋላጭነት" ምንድነው?

ለ COVID-19 አዎንታዊ ምርመራ ካደረገ ከሌላ የ WA Notify ተጠቃሚ አቅራቢያ ጉልህ ጊዜ ባሳለፉበት ጊዜ ተጋላጭነት ይከሰታል። ይህ የ COVID-19 አካላዊ ርቀትን እና ስርጭትን በተመለከተ የአሁኑን የ Centers for Disease Control (CDC፣ የበሽታ መቆጣጠሪያ ማዕከላት) መመሪያን ይከተላል።

4.    WA Notify ተጋላጭ እንደሆንኩ ቢነግረኝ ምን ይፈጠራል?

የ WA Notify እርስዎ የተጋለጡ ሊሆኑ እንደሚችሉ ካወቀ፣ በስልክዎ ላይ ያለው ማሳወቂያ ቀጥሎ ምን ማድረግ እንዳለብዎት መረጃ ወዳለው ድረ-ገጽ ይመራዎታል። ይህ እንዴት እና የት መመርመር እንዳለብዎት፣ እራስዎን እና በቅርብዎ ያሉትን ደህንነት ስለመጠበቅ መረጃ፣ እና ለጥያቄዎችዎ መልስ የሚሆኑ መርጃዎችን ያጠቃልላል። በድረ-ገጹ ላይ ያሉትን መመሪያዎች በጥንቃቄ ማንበብ እና መከተል አስፈላጊ ነው።

5.    ግላዊነቴ እንዴት ይጠበቃል?

WA Notify የተጠቃሚውን ግላዊነት ለመጠበቅ በተዘጋጀው በ Google Apple ተጋላጭነት ማሳወቂያ ቴክኖሎጂ ላይ የተመሠረተ ነው። ሲስተሙ ከ Google፣ ከ Apple፣ ከ Washington State Department of Health (ዋሽንግተን ግዛት የጤና መምሪያ DOH) ወይም ከሌሎች ተጠቃሚዎች ጋር ማንኛውንም የአካባቢ መረጃ ወይም የግል መረጃ ፈፅሞ አይሰበስብም ወይም አይጋራም፡፡ ተሳትፎዎ ሙሉ በሙሉ በፈቃደኝነት ነው። ተጠቃሚዎች በማንኛውም ጊዜ መርጠው መግባት ወይም መውጣት ይችላሉ። የተጠቃሚ ግላዊነት ጥበቃ እንዴት እንደሆነ የበለጠ መረጃ ለማግኘት፣ የ WA Exposure Notifications የግላዊነት ፖሊሲን ይመልከቱ።

6.    ለ COVID-19 አዎንታዊ ምርመራ ካደረግኩ ሰዎች ያውቃሉ?

አይ። WA Notify ስለ እርስዎ ማንኛውንም መረጃ ለማንም ሰው አያጋራም። አንድ ሰው የተጋላጭነት ማሳወቂያ ሲደርሰው ባለፉት 14 ቀናት ውስጥ ቅርቡ የነበረ አንድ ሰው ለ COVID-19 አዎንታዊ ምርመራ ማድረጉን ብቻ ያውቃል። ግለሰቡ ማን እንደነበረ ወይም ተጋላጭነቱ የት እንደደረሰ አያውቁም።

7.    ለ WA Notify መክፈል አለብኝ?

አይ። WA Notify ነፃ ነው።

8.    WA Notify ለዋሽንግተን ግዛት እንዴት ይረዳል?

የተጋላጭነት ማሳወቂያዎችን ሰዎች የበለጠ ሲጠቀሙ ጥቅማቸው የበለጠ እንደሚሆን ጥናቶች አረጋግጠዋል። በዋሽንግተን ግዛት በሶስት አውራጃዎች ላይ የተመሰረቱ የመረጃ ሞዴሎች እዚያ ያሉ WA Notify የሚጠቀሙ ጥቂት ሰዎች እንኳን ኢንፌክሽኖችን እና ሞትን እንደሚቀንሱ ያሳያሉ። ልክ የፊት መሸፈኛ ጭምብሎችን እንደመልበስ፣ አካላዊ ርቀትን እንመጠበቅ እና ስብሰባዎችን ትንሽ እንደማድረግ ሁሉ፣ WA Notify የ COVID-19 ስርጭትን የሚከላከል ሌላ መሳሪያ ነው።

9.    ከግዛት ውጭ ከተጓዝኩ WA Notify ለስራዬ ያሳውቃል?

አዎ። የ Apple/Google ቴክኖሎጂን የሚጠቀም መተግበሪያ ወዳለው አንድ ግዛት የሚጓዙ ከሆነ፣ ስልክዎ በዚያ ግዛት ውስጥ ካሉ ተጠቃሚዎች ጋር የዘፈቀደ ኮዶችን መለዋወጥን ይቀጥላል። በመተግበሪያ ቅንብሮችዎ ውስጥ ማንኛውንም ነገር መለወጥ አያስፈልግም። ለተራዘመ ጊዜ ከዋሽንግተን ለቀው ከሄዱ፣ የአከባቢን ድጋፍ እና ማስጠንቀቂያ ለማግኘት በአዲሱ ግዛት ውስጥ ያሉትን አማራጮች መገምገም አለብዎት።

10.    ሁለቱንም የግንኙነት ፍለጋ/ፈለግ እና WA Notify ለምን እንፈልጋለን?

የግንኙነት ፍለጋ ለአስርተ ዓመታት ውጤታማ የህዝብ ጤና ጣልቃ ገብነት ሆኗል። WA Notify ይህንን ስራ በማይታወቅ መልኩ ይደግፋል።  ምሳሌ ይኸውልዎት፦ ለ COVID-19 አዎንታዊ ምርመራ ካደረጉ፣ የሕዝብ ጤና ጥበቃ ባለሥልጣኖች ደውለው የቅርብ ጊዜ ቅርብ ግንኙነቶችዎን እንዲያጋሩ ሊጠይቁዎት ይችላሉ። በአውቶብስ ውስጥ አጠገቡ የተቀመጡትን እንግዳ ሰው ስም መጥቀስ አይችሉም። ሁለታችሁም WA Notify የምትጠቀሙ ከሆነ፣ አውቶቡሱ ውስጥ የነበረው እንግዳ  ተጋላጭነት ሊኖረው እንደሚችል በስውር ማሳወቂያ ይደርሰዋል እናም COVID-19 ለጓደኞቻቸው እና ለቤተሰቦቻቸው እንዳይዛመት ለመከላከል እርምጃዎችን መውሰድ ይችላሉ ልክ እንደ እጅ መታጠብ እና የፊት መሸፈኛ ጭምብል እንደማድረግ እያንዳንዱ COVID-19 እንዳይስፋፋ ይረዳል፣ አንድ ላይ ደግሞ የበለጠ ውጤታማ ናቸው።

11.    WA Notify ለሌሎች ተጠቃሚዎች ለማሳወቅ ምን ያህል ጊዜ ይወስዳል?

በሌላ ተጠቃሚ ለ COVID-19 የተጋለጡ ሊሆኑ የሚችሉ ተጠቃሚዎች COVID-ያለበት/የያዘው ተጠቃሚ የማረጋገጫ ኮዳቸውን ወደ WA Notify ከስገቡ በኋላ በ 24 ሰዓታት ውስጥ ማሳወቂያ ይደርሳቸዋል።

12.    ከ WA Notify ብዙ ማስጠንቀቂያዎችን መቀበል ይቻላል?

አዎ፣ ብዙ ጊዜ ተጋልጠው ለሚችሉ ተጠቃሚዎች ስለ እያንዳንዱ አዲስ ተጋላጭነት ይነገራቸዋል።

13.    ለ COVID አዎንታዊ ምርመራ ካደረግኩ ለ WA Notify እንዴት መናገር እችላለሁ?

አወንታዊ ምርመራ ካደረጉ እና የህዝብ ጤና እርስዎን ካገኘ፣ WA Notify እየተጠቀሙ እንደሆነ ይጠይቃሉ።  የሚጠቀሙ ከሆነ፣ የማረጋገጫ ኮድ ያመጡ እና ወደ WA Notify እንዲያስገቡ ይረዱዎታል። ኮዱ ከግል መረጃዎ ጋር የተያያዘ አይደለም። ኮድዎን ሲያስገቡ ስለ ተጋላጭነታቸው በመተግበሪያው በኩል ማን ማሳወቂያ እንደሚደርሰው የሕዝብ ጤና ጥበቃ የሚያውቅበት መንገድ የለውም። ማሳወቂያው ስለ እርስዎ፣ ወይም የት በአቅራቢያዎ እንደነበሩ መረጃን አያካትትም። ኮዶቻቸውን የሚያጋሩ ሰዎች በጨመሩ ቁጥር፣ የ COVID-19 ስርጭትን በተሻለ ሁኔታ ልንከላከል እንችላለን።

14.    WA Notifyን ወደ ስልኬ ካከልኩ በኋላ ማድረግ ያለብኝ ነገር አለ?

ተጨማሪ እርምጃ የሚያስፈልግው የሚከተሉት ከሆኑ ብቻ ነው፦

  1. ለ COVID-19 አዎንታዊ ምርመራ ካደረጉ፣ ወይም
  2. ተጋልጠው ሊሆን እንደሚችል ማሳወቂያ ከደረስዎት ነው።

አወንታዊ ምርመራ ካደረጉ፣ እና የህዝብ ጤና እርስዎን ካገኘ፣ WA Notifyን እየተጠቀሙ እንደሆነ ይጠይቃሉ። የሚጠቀሙ ከሆነ፣ የማረጋገጫ ኮድ ያመጡ እና ወደ WA Notify እንዲያስገቡ ይረዱዎታል። ኮዱ ከግል መረጃዎ ጋር የተያያዘ አይደለም። ኮድዎን ሲያስገቡ ስለ ተጋላጭነታቸው በመተግበሪያው በኩል ማን ማሳወቂያ እንደሚደርሰው የሕዝብ ጤና ጥበቃ የሚያውቅበት መንገድ የለውም። ማሳወቂያው ስለ እርስዎ፣ ወይም የት በአቅራቢያዎ እንደነበሩ መረጃን አያካትትም። ኮዶቻቸውን የሚያጋሩ ሰዎች በጨመሩ ቁጥር፣ የ COVID-19 ስርጭትን በተሻለ ሁኔታ ልንከላከል እንችላለን።

የ WA Notify እርስዎ የተጋለጡ ሊሆኑ እንደሚችሉ ካወቀ፣ በስልክዎ ላይ ያለው ማሳወቂያ ቀጥሎ ምን ማድረግ እንዳለብዎት መረጃ ወዳለው ድረ-ገጽ ይመራዎታል። ይህ እንዴት እና የት መመርመር እንዳለብዎት፣ እራስዎን እና በቅርብዎ ያሉትን ደህንነት ስለመጠበቅ መረጃ፣ እና ለጥያቄዎችዎ መልስ የሚሆኑ መርጃዎችን ያጠቃልላል። በድረ-ገጹ ላይ ያሉትን መመሪያዎች በጥንቃቄ ማንበብ እና መከተል አስፈላጊ ነው። ማሳወቂያው ማን አጋልጥዎት ሊሆን እንደሚችል እና የት እንደሆነ መረጃን አያካትትም። እሱ ሙሉ በሙሉ የማይታወቅ ነው።

15.    WA Notify መጠቀም ባትሪዬን ይጨርሳል ወይም ብዙ ዳታ ይጠቀማል?

አይ። Bluetooth Low Energy technology በመጠቀም በዳታዎ እና በባትሪዎ ህይወት ላይ አነስተኛ ውጤት እንዲኖረው ተደርጎ የተሰራ ነው።

16.    WA Notify እንዲሰራ ብሉቱዝ በርቶ እንዲቆይ ማድረግ ያስፈልገኛል?

አዎ። WA Notify Bluetooth Low Energy ይጠቀማል፣ ስለሆነም ብሉቱዝ በአቅራቢያ ያሉ ሌሎች ተጠቃሚዎችን ለመለየት ሲስተሙ ሁል ጊዜ መብራት አለበት።

17.    ስልኬ ላይ እንዲሰራ WA Notifyን መክፈት ያስፈልገኛል?

አይ። WA Notify ከበስተጀርባ ይሠራል።

18.    WA Notify የሐሰት የምርመራ ሪፖርቶችን እንዴት ይከላከላል?

WA Notify ተጠቃሚዎች በሕዝብ ጤና ባለሥልጣናት የቀረበውን የማረጋገጫ ኮድ በመጠቀም አዎንታዊ ምርመራዎችን እንዲያረጋግጡ ይጠይቃል። ኮዱ ከግለሰቡ ማንነት ጋር የተያያዘ አይደለም። ኮዱ ከገባ በኋላ፣ WA Notify በአቅራቢያቸው የነበሩትን የዘፈቀደ ኮዶችን ሊያዛምድ እና ሊጋለጡ የሚችሉትን ሊያሳውቅ ይችላል። ማሳወቂያው ማን አጋልጧቸው ሊሆን እንደሚችል ወይም የት እንደሆነ መረጃን አያካትትም።

19.    WA Notify ቆየት ባሉ ስማርት ስልኮች ላይ ሊሠራ ይችላል?

iPhone ተጠቃሚዎች የእርስዎ ሥርዓተ ክወና እንደሚከተለው ከሆነ WA Notify ን መጠቀም ይችላሉ፦

  • iOS ስሪት 13.7 ወይም ከዚህ በኋላ የመጣ (ለ iPhone 6s፣ 6s Plus፣ SE ወይም የተሻለ አዲስ)
  • iOS ስሪት 12.5 (ለ iPhone 6፣ 6 plus፣ 5s)

የ Android ተጠቃሚዎች የእርስዎ Android ስማርት ስልክ ብሉቱዝ ዝቅተኛ ኃይል አጠቃቀምን የሚቀበል ከሆነ እና Android ስሪት 6 (API 23) ወይም ከዚያ በላይ ከሆነ WA Notify ን መጠቀም ይችላሉ።

20.    WA Notify ለመጠቀም 18 ዓመት መሆን አለብኝ?

አይ። WA Notify ዕድሜዎን አያውቅም ወይም አይፈትሽም።

21.    ስልኩን ከአንድ ሰው ጋር ከተጋራሁ ይህ ቴክኖሎጂ ይሠራል?

WA Notify በተጋላጭነት ጊዜ ስልኩን ማን ሲጠቀምበት እንደነበረ ማወቅ አይችልም፡፡ ስልክ የሚያጋሩ ከሆነ፣ WA Notify ለ COVID-19 ተጋላጭነትን የሚያመለክት ከሆነ ስልኩን የሚጠቀም እያንዳንዱ ሰው የህዝብ ጤና መመሪያዎችን መከተል አለበት፡፡

22.    WA Notify እንደ iPads ወይም ስማርት ሰዓቶች ባሉ መሣሪያዎች ላይ ሥራውን ያሳውቃል?

አይ። የተጋላጭነት ማሳወቂያ ማዕቀፍ በተለይ ለስማርት ስልኮች የተዠጛጀ ሲሆን በአይፓዶች ወይም ታብሌቶች ላይ አይደገፍም/አይሰራም፡፡

23.    ዋሽንግተን ይህንን መፍትሄ ለምን መረጠ?

ዋሽንግተን የ Apple/Google መፍትሄን ለመገምገም የደህንነት እና የዜጎች ነፃነት ባለሙያዎችን እና የበርካታ ማህበረሰቦችን አባላትን ጨምሮ የመንግስት ቁጥጥር ቡድን አቋቋመ፡፡ ቡድኑ በመድረኩ በተረጋገጠው አስተማማኝነት ፣ ጠንካራ የመረጃ ጥበቃ እና በሌሎች ግዛቶች አጠቃቀም ላይ በመመርኮዝ ጉዲፈቻን መክሯል/እንደ ሃሳብ አቅርቧል፡፡

24.    ስማርት ስልኮች ለሌላቸው ሰዎች የዋሽንግተን ግዛት ለዚህ ቴክኖሎጂ ተደራሽነት ምን እያደረገ ነው?

WA Notify የ COVID-19 ስርጭትን ለመከላከል የሚረዳ ብቸኛው መሳሪያ አይደለም፡፡ የእውቂያ ፍለጋ/ፈለግ እና ሌሎች ጥረቶች ስማርት ስልክ ባይኖራቸውም ለእያንዳንዱ የዋሺንግተንን ነዋሪ ይጠቅማሉ፡፡ የፊት መሸፈኛ ጭምብሎችን ማድረግ፣ አካላዊ ረቀት እና የስብሰባዎችን መጠን መገደብ ሁሉም ሰው ሊያደርጋቸው የሚችል የ COVID-19 ስርጭትን ለማስቆም የሚረዱ ሌሎች መንገዶች ናቸው ፡፡

25.    የእኔን የ WA Notify ውሂብ ለሕዝብ ጤና አገልግሎት ስለ ማበርከት የተመለከተ ማሳወቂያ ደርሶኛል። ለምን?

የ Washington State Department of Health (DOH፣ የዋሽንግተን ግዛት የጤና መምሪያ) በመሣሪያው ላይ የሚያስፈልጉ ማሻሻያዎችን ማድረግ እንድንችል WA Notify ምን ያክል በጥሩ ሁኔታ እየሠራ እንዳለ ለማወቅ ይፈልጋል። የእርስዎን የ WA Notify ውሂብ እንድናጋራ የሚስማሙ ከሆነ፣ የእርስዎ ግላዊነት አሁንም ድረስ ቢሆን ሙሉ በሙሉ ጥበቃ የሚደረግለት ይሆናል። ምንም ዓይነት የግል መረጃ አይሰበሰብም ወይም ለሌሎች አይጋራም እንዲሁም እርስዎን ለይቶ ማወቅ የሚያስችል ምንም መንገድ የለም። DOH ብቻ ይህን ውሂብ በግዛት ደረጃ ብቻ ሊደርስበት ይችላል።

26.    የ WA Notify ተጠቃሚዎች የእነርሱ ውሂብ እንዲጋራ ከተስማሙ፣ የሚሰበሰበው መረጃ ምንድን ነው?

የእርስዎ ውሂብ እንዲጋራ የሚስማሙ ከሆነ፣ የእርስዎ ግላዊነት አሁንም ድረስ ቢሆን ሙሉ በሙሉ ጥበቃ የሚደረግለት ይሆናል። ምንም ዓይነት የግል መረጃ አይሰበሰብም ወይም ለሌሎች አይጋራም በመሆኑም እርስዎን ለይቶ ማወቅ የሚያስችል ምንም መንገድ የለም። Washington State Department of Health ብቻ ይህን በስቴት ደረጃ የወጣ ውሂብ ማየት የሚችል ሲሆን ይህም የሚከተሉትን ያካትታል፦

  • በእነርሱ WA Notify ውስጥ ያለው ውሂባቸው እንዲጋራ የተስማሙ ሰዎች ብዛት። ይህ የእኛ ናሙና ምን ያክል ሁሉንም ወካይ እንደሆነ እንድናውቅ ያስችለናል።
  • የ WA Notify ተጠቃሚዎች የተቀበሉት የተጋላጭነት ማሳወቂያዎች ብዛት።ይህ የ COVID-19 ስርጭትን አካሄድ እንድናይ ያግዘናል።
  • በተጋላጭነት ማሳወቂያ ላይ ጠቅ ያደረጉ ሰዎች ብዛት። ይህ ሰዎች ምን ያክል የሕዝብ ጤና ምክሮችን ለመስማት ፈቃደኛ እንደሆኑ እንድንረዳ ያግዘናል። 
  • የ COVID-19 ምርመራ ውጤታቸው አዎንታዊ ከሆነ ሰው አጠገብ የነበሩ ሰዎች ሆኖም ግን ተጋላጭ እንደሆኑ ማሳወቂያ እንዳይላክላቸው ያን ያክል ያልተቀራረቡ ወይም ለረዥም ጊዜ ያልቆዩ ሰዎች ብዛት። ይህ በ WA Notify ያለው የተጋላጭነት ማሳወቂያ ቀመር መስተካከል እንዳለበት ወይም እንደሌለበት እንድንወስን ያግዘናል። 

27.    በእኔ iPhone ላይ WA Notify ን ሳሠራው፣ "የተገኝነት ማንቂያዎች"ን ማብራት ወይም ማጥፋት አለብኝ? 

ማጥፋት ችግር የለውም፣ ሆኖም ግን ከዋሽንግተን ግዛት ለረዥም ጊዜ ርቀው የሚጓዙ ከሆነ ቢያበሩት ይመከራል። የተገኝነት ማንቂያዎች ሲበሩ፣ WA Notify በሌለበት ቦታ በሚሆኑበት ጊዜ በዚያ ቦታ በሚሠራ ሌላ የተጋላጭነት ማሳወቂያ ቴክኖሎጂ አማካይነት ማሳወቂያ ሊደርስዎት ይችላል።iPhone ተጠቃሚዎች በርካታ ክልሎችን መጨመር ይችላሉ ሆኖም ግን በአንድ ጊዜ አንድ ብቻ ክልልን እንደሚገኙበት ቦታ መመደብ ይችላሉ። አዲስ ቦታ እንዲሠራ ለማድረግ ክልልን ማስወገድ አያስፈልግዎትም። የ Android ተጠቃሚዎች ከበርካታ ግዛቶች እንደ WA Notify ያሉ የተጋላጭነት ማሳወቂያ መተግበሪያዎችን መግጠም ይችላሉ ሆኖም ግን ከ WA Notify ጋር ስምሙ የሆነ ቴክኖሎጂ በአንድ ጊዜ ንቁ ሆኖ መሥራት ይችላል።

28.    WA Notify በጣም ብዙ ባትሪ እየተጠቀመ ያለ የሚመስለው ለምንድን ነው?

ለነገሩ፣ ባትሪ አይፈጅም። እንደ WA Notify ያሉ መተግበሪያዎችን ጨምሮ የእርስዎ ባትሪ በየቀኑ ምን ያክል ጥቅም ላይ እንደዋለ የሚያሳይ መቶኛን በእርስዎ መሣሪያ ላይ ያለው የባትሪ አጠቃቀም ያሳያል። አብዛኛዎቹ መተግበሪያዎች ሌሊቱን ሙሉ አይሠሩም። WA Notify ቢሆንም አይሠራም፣ ሆኖም ግን ምናልባት ተጋላጭነት ካለ ለእርስዎ እንዲያስጠነቅቅዎት በየተወሰነ ሰዓት ልዩነት በዘፈቀደ የተወሰኑ ኮዶችን ለማረጋገጥ ፍተሻ ያደርጋል። ስለዚህ፣ ለምሳሌ እርስዎ ተኝተው እያለ ሌሎች መተግበሪያዎች የማይሠሩ ያለ ከሆነ፣ WA Notify በዚህ ጊዜ ላይ ከፍተኛ የሆነውን የባትሪ አጠቃቀም መቶኛ ድርሻ ሊወስድ ይችላል። ይህ ማለት ግን WA Notify በጣም ብዙ ባትሪ እየፈጀ ነው ማለት አይደለም - ጥቅም ላይ ከዋለው አነስተኛ የባትሪ ፍጆታ ላይ ከፍተኛው መቶኛ ደርሶታል ማለት ነው። 

29.    ለ Android ስልኮች የ WA Notify የቴክኖሎጂ ድጋፍን ማግኘት እችል ይሆን?

አዎ። የሃርድዌር ችግር ያለባቸው ሰዎች ምክር ወይም ተጨማሪ መመሪያ መጠየቅ እንዲችሉ Google መጠየቂያ ኢሜይል አድራሻ አዘጋጅቷል። ኢሜይል exposure-notifications-api-support@google.com። 

30.    ዋሽንግተን WA Notify ን በ29 ቋንቋዎችን ለቃ ነበረ፣ እና ታዲያ ለምን በ Google Play መደብር ውስጥ በእንግሊዝኛ እና በስፓኒሽኛ እንደቀረበ ብቻ ሆኖ ይታየኛል?

WA Notify በተጠቃሚው ስልክ እንደ ዋና ቋንቋ ሆኖ በተቀናበረው ቋንቋ ብቻ ይሠራል። አንድ ብቻ የ WA Notify ስሪት አለ፣ ሆኖም ማናቸውም ብቅ ባይ ማሳወቂያዎች - የተጋላጭነት ማሳወቂያ ለምሳሌ - ዋሽንግተን ግዛት ካቀረባቸው 29 ቋንቋዎች መካከል በተጠቃሚው ተመራጭ ቋንቋ አማካይነት የሚታዩ ይሆናሉ። 

ከ ንብረት ጋር የተያያዙ የሰራ ቅጥሮች እና ንግዶች

የስራ አጥ ጥቅማጥቅም

ሥራዎን ካጡ, ለሥራ አጥነት ክፍያ ብቁ ሊሆኑ ይችላሉ፡፡ ለሥራ አጥነት ክፍያ ጥያቄ እንዴት እንደሚሞሉ መረጃ ከፈለጉ ፣ ወደ 1-800-318-6022 ይደውሉ፡፡ ምላሽ ሲይገኙ፣ ቋንቋዎን በመንገር የ ትርጉም አገልግሎት ያግኙ፡፡

ሰራተኛና አሰሪ

የኮሮና ቫይረስ ወረርሽኝ በእኛ ግዛት ውስጥ በመቶ ሺዎች የሚቆጠሩ ሰራተኞችን እና አሰሪዎችን ይነካል፡፡

የሰራተኞችን ደህንነት ለመጠበቅ, ሰራተኞች ማድረግ ያለባቸው ነገሮች፡

  • ሰራተኞችን ስለ ኮቪድ-19 ምልክቶች በሚገባቸው ቋንቋ ማስተማር፡፡
  • የሰውነት መራራቀን ማጎልበት፡፡
  • ተከታታይ ን ህና መጠበቅ፡፡
  • በተደጋጋሚ እጅን በደንብ መታጠብ፡፡
  • የታመሙ ሰራተኞች በቤት እንዲቆዩ ማድረግ፡፡

ስለ የተከፈለ የህመም ፈቃድ፣ የሰራተኞች ካሳ እና የስራ ቦታ ደህንነት መስፈርቶች ማጠቃለያ በተመለከተ ለተለመዱ ጥያቄዎች መልሶች Department of Labor & Industries (ከሰራተኛ እና ኢንዱስትሪዎች ክፍል) በብዙ ቋንቋዎች ይገኛሉ።

ስለ ስራ ቦታዎ ደህንነት ስጋት ካሎት, ቅሬታዎን ለስራተኛ እና ኢንደስትሪ በዚህ ስልክ ቁጥር 800-423-7233 ያሳውቁ፡፡ የ ስልክ ትርጉም አገልግሎት ዝግጁ እንዲሆን ማድረግ፡፡

ሰለ ንግዶ እና ሰራተኞች ማንኛውም ጥያቄ ካሎት በዚህ ኮቪድ-19 ወረርሽኝ ጊዜ, የሰራተኞች ደህንነት ዲፓርትመንትን በ 855-829-9243 በመደወል ያሳውቁ፡፡

የጤና ጥበቃና የጤና ኢንሹራንስ

ነጻ ወይንም በትንሽ ክፍያ የህክምና አገልግሎት መስጠት፡፡ የ ህክምና አገልግሎት ለማግኘት በዚህ ስልክ ይደውሉ 1-855-923-4633፡፡ ምላሽ ሲያገኙ, ቃንቅዎን በመንገር የ ትርጉም አገልግሎት ያግኙ፡፡

የውጭ ዜጎች የድንገተኛ ጊዜ ህክምና (ኤኤምአር) ሽፋን ብቁ የህክምና ድንገተኛ ሁኔታ ላጋጠማቸው እና የዜግነት ወይም የኢሚግሬሽን መስፈርቶችን የማያሟሉ ወይም ብቃት ያለው ግለሰብ ወይም የ 5-ዓመቱን ባር የማያሟላ ብቃት ያለው ፕሮግራም ነው፡፡

የዋሽንግተን የስልክ መስመርን በ1-800-322-2588 በመደወል ማግኘት ያለብዎትን የተለያዩ የጤና ፕሮግራሞችን እና አገልግሎቶችን ለመለየት እና ለማመልከት ይረዳዎታል፡፡ ይህ የሚያጠቃልለው፡

  • (ሴቶች, ጨቅላ ልጆቸ & ልጆች የምግብ ፕሮግራም)
  • የህክምና ኢንሹራንስ ለልጆች, እርጉዝ ሴቶች እና አዋቂዎቸ
  • የእርግዝና መቆጣጠሪያ በቴክ ቻርጅ ፕሮግራም
  • የጤናና የቤተሰብ ቁጥጥር ክሊኒክ
  • የርግዝናና ህ ናት መገልገያ እቃዎች
  • የጡት ማጥባት አገልግሎተ
  • በተጨማሪም የምግብ አገልግሎት አላቸው፡፡
የኢምግሬሽን እና ስደተኞች መረጃ

Office of Immigrant and Refugee Affairs (OIRA) ስደተኞች ስለ COVID-19 እና ስለ ስደተኛ ስጋቶች አስፈላጊ እውነታዎችን እንዲረዱ ያግዛቸዋል

  • ሆስፒታሎች እና ክሊኒኮች የዜግነት ወይም የኢሚግሬሽን ሁኔታን ከ ICE ጋር እንዲጋሩ አልተፈቀደላቸውም፡፡
  • ለኮቪድ-19 ምርመራ መደረግ እና ለበጎ አድራጎት ወይም ቅናሽ የሚደረግ የሕክምና እንክብካቤ ማግኘት ለአረንጓዴ ካርድ ወይም ለዜግነት ለማመልከት እድሎን አይጎዳውም፡፡
  • ለሥራ አጥነት ክፍያ ለማመልከት ትክክለኛ የማህበራዊ ዋስትና ቁጥር ያስፈልግዎታል፡፡ የሥራ አጥነት ጥቅማጥቅሞችን ለማግኘት ከአንድ ሰው ጋር መነጋገር ከፈለጉ በስልክ ቁጥር 1-800-318-6022 ይደውሉ፡፡
  • የሥራ አጥነት ጥቅማጥቅሞችን መቀበል በሕዝብ ቻርጅ ሕግጋት መሠረት አረንጓዴ ካርድዎን ወይም ዜግነትዎን አያሳጣም፡፡
  • በኮቪድ-19 የታመመውን ሰው ለመንከባከብ ወይም እራስዎን ለመንከባከብ የዋሽንግተን ስቴት ቤተሰብ ለማስታመም የሚከፈልበት እና የህክምና ፈቃድ ለማግኘት ብቁ ሊሆኑ ይችላሉ፡፡ ይህንን ጥቅም ለማግኘት የማኅበራዊ ዋስትና ቁጥር አያስፈልግዎትም፡፡ ESD የተለያየ አይነት ሰነዶች ይቀበላል፡
  • እርዳታ የሚፈልጉ የንግድ ባለቤት ከሆኑ፣ ከፌዴራል አነስተኛ ንግድ አስተዳደር (Federal Small Business Administration) ለአስቸኳይ ብድር ማመልከት የነዋሪ ካርድ ወይም ዜግነት የማግኘት ችሎታዎን አደጋ ላይ አይጥልም።

The Office of Immigrant and Refugee Affairs (OIRA) ያለዎት ሁኔታ ወይም የቤተሰብ አባል ወይም የእርስዎ ጥቅሞችዎ ላይ እርግጠኛ ካልሆኑ፣ የስደተኞች ጠበቃ፣ የኢሚግሬሽን ኦፊሰር ወይም በ Department of Justice (DOJ) እውቅና የተሰጠው ተወካይ እንዲያነጋግሩ ይመክራል። በአሜሪካ የኢሚግሬሽን ጠበቆች ማህበር (American Immigration Lawyers Association) በኩል ጠበቃ ማግኘት ይችሉ ይሆናል ወይም በ DOJ-እውቅና የተሰጠው የድርጅት ድርገፅን መጎብኘት ይችላሉ።

OIRA ስደተኞችንና ተፈናቃዮችን ለመደገፍ ፕሮግራም አላቸው፡

  • የሰራ ፍለጋ እና ስልጠና፡፡
  • የኢሚግሬሽን ድጋፍ።
  • የወጣቶች ስልጠና፡፡
  • ለስደተኛ የእድሜ ባላጸጎች ፣ ለልጆች ፣ ለተማሪዎች እና ለሌሎች ድጋፍ ማድረግ፡፡፣
  • መደበኛ ፕሮግራሞች በ ኮቪድ-19 ወቅት በርቀት ክፍት ይሆናሉ። ጽ / ቤቱ ለስራ ወይም ለስራ አጥነት ለማመልከት ትምህርትዎን ለመደገፍ እና የመኖሪያ ቤት ድጋፍ ለመስጠት አዲስ አገልግሎቶች አሉት፡፡ የስደተኞች ጥሬ ገንዘብ ድጋፍ እና የስደተኞች የህክምና ድጋፍ ብቁነት እስከ ሴፕቴምበር 30 ቀን 2020 ድረስ ተራዝሟል።
  • ለአገልግሎቶች እና ለተጨማሪ መረጃ, በዚህ ስልክ 360-890-0691፡፡

ስለ ስደተኛ መብቶች ጥያቄዎች ፣ በቁጥጥር ስር ላሉ ዘመዶች / ጓደኞች ድጋፍ ለማግኘት እና ሌሎች ተዛማጅ መረጃዎች ፣ማግኘት ይችላሉ የዋሺንግተን ስደተኞች አንድነት ኔትዎርክ የስልክ መስመር 1-844-724-3737፡፡ የ ስልክ ትርጉም አገልግሎት ዝግጁ እንዲሆን ማድረግ፡፡

የአእምሮ እና ስሜታዊ(Emotional) ጤና

ይህ አስጨናቂ ጊዜ ሊሆን ይችላል። እርስዎ ወይም የምትወዳቸው ሰዎች ጭንቀት ፣ ኃዘን ፣ ፍርሃት ወይም ቁጣ መሰማት የ ተለመደ ነገር ነው፡፡ አንተ ብቻህን አይደለህም፡፡ እርዳታ መጠየቅ ምንም ችግር የለውም፡፡

ለ ጭንቀት እና አስቸጋሪ ሁኔታዎች ሁሉም ሰው ምላሽ የሚሰጥበት መንገድ ይለያያል፡፡ ማድረግ የሚችሉት በጣም አስፈላጊው ነገር እራስዎን ፣ ቤተሰብዎን እና ማህበረሰብዎን በተቻለ መጠን መንከባከብ ነው፡፡

አስቸጋሪ በሆኑ ጊዜያት ለመቋቋም ምን ይረዳዎታል? ከጓደኞችዎ እና ከቤተሰብዎ ጋር ተገናኝተዋል? ምናልባት በ ጥልቀት መተንፈስ እና ማፍታታት ፣ የተወሰነ የ አካል ብቃት እንቅስቃሴ ወይም ጥሩ እንቅልፍ አግኝተዋል? ለራስ-እንክብካቤ ጊዜን ቅድሚያ መስጠት ውጥረትን ለመቀነስ ሊረዳ ይችላል፡፡

Washington Listensንን በዚህ ስልክ ይደውሉ 1-833-681-0211፡፡ የ ስልክ ትርጉም አገልግሎት ዝግጁ እንዲሆን ማድረግ፡፡ ለ ኮቪድ-19 ወረርሽኝ ምላሽ ፣ ዋሽንግተን Washington Listens የተባለ የድጋፍ መርሐ ግብር ይፋ አደረገች፡፡ Washington Listens አገልግሎቶችን የሚጠቀሙ ሰዎች ጭንቀትን ለመቆጣጠር እና በ ኮቪድ-19 የ ተነሳ ለውጦችን ለመቋቋም ድጋፍ ያገኛሉ፡፡ Washington Listens በዋሽንግተን ውስጥ ላለ ማንኛውም ሰው የ ድጋፍ ባለሙያን ለማነጋገር ይገኛል፡፡ ደዋዮች በአካባቢያቸው ካሉ የማኅበረሰብ ሀብቶች ድጋፍ እና ግንኙነትን ይቀበላሉ። ፕሮግራሙ ምስጢራዊ ነው፡፡

ችግር ከገጠምዎ እና ምክርን ለማግኘት ሰውን ማነጋገር ከፈለጉ ጥቂት አማራጮች አሉ፡፡

  • The Disaster Distress መስመር የስሜት መረበሽ ላጋጠማቸው ሰዎች አስቸኳይ የምክር አገልግሎት ይሰጣል ጭንቀት ከማንኛውም ተፈጥሮአዊ ወይም ከሰው ሰራሽ ጋር የተዛመደጭንቀት በዚህ ስልክ ይደውሉ 1-800-985-5990፡፡ ምላሽ ሲያገኙ, ቋንቋዎን በመንገር የ ትርጉም አገልግሎት ያግኙ፡፡ የእገዛ መስመሩ በየቀኑ ለ 24 ሰዓታት ይገኛል፡፡
  • ቀውስ ግንኙነቶች በስሜት ቀውስ ውስጥ ላሉት ግለሰቦች ፣ ቤተሰቦች እና ጓደኞች ፈጣን እርዳታ የሚሰጥ የ 24 ሰዓት ችግር መስመር አለው። በኪንግ ካውንቲ ውስጥ ለሚኖሩ ሰዎች ያገለግላል፡፡ የ ስልክ ትርጉም አገልግሎት ዝግጁ እንዲሆን ማድረግ፡፡ በዚህ ስልክ ይደውሉ 1-866-427-4747.
  • ብሔራዊ የራስን ሕይወት የመከላከል አነቃቂነት ራስን ስለ ማጥፋት ለሚያሰቡ ሰዎች የመከላከል እና የመፍትሄ ሃሳብ ያቀርባል፡፡ የሚወዷቸውን ሰዎች ቤተሰቦቻቸውን እና ጓደኞቻቸውን የሚረዱ መፍትሄ ለማግኘት የህይወት መስመሩን መደወል ይችላሉ። በዚህ ስልክ ይደውሉ 1-800-273-8255. ይህ የስልክ መስመር በቀን ለ 24 ሰዓታት በሳምንት 7 ቀናት ይገኛል፡፡ ለነባር ወታደሮች የተወሰነ የእገዛ መስመር አለ፡፡ በዚህ ስልክ ይደውሉ 1-800-273-8255 ወይም 1ን ይጫኑ. እርስዎ መስማት የተሳኖት እና የመስማት ችግር ካለብዎ, በዚህ ስልክ ይደውሉ 1-800-799-4889.
የምግብ ምንጮች

18 ዓመት ወይም ከዚያ በታች የሆነ ልጅ ካለዎት ከት / ቤቶች ነፃ ምግብ ሊያገኙ ይችላሉ። በትምህርት ፕሮግራሞች ውስጥ የተመዘገቡ የአካል ጉዳተኞች አዋቂዎችም ለት / ቤት ምግብ ብቁ ሊሆኑ ይችላሉ፡፡ በአብዛኛዎቹ አጋጣሚዎች እነዚህ ምግቦች እንደ አውቶቡስ ማቆሚያዎች ባሉ በትምህርት ቤት እና አቅራቢያ አካባቢዎች ይሰጣሉ። ነፃ ምግብ የሚሰጡ ከሆነ ለማወቅ የትምህርት ቤቱን ወረዳዎን ያነጋግሩ።

ለነፍሰ ጡር ፣ ለአዳዲስ እናቶች እና ከአምስት ዓመት በታች ለሆኑ ሕፃናት በጤና ጥበቃ ሴቶች ፣ ጨቅላዎችና ሕፃናት (WIC) ፕሮግራም በኩል ምግብ ሊያገኙ ይችሉ ይሆናል፡፡ ለ ቋንቋ እርዳታ, በዚህ ስልክ ይደውሉ 1-866-632-9992.

በኮቪድ -19 ወቅት የምግብ ፍላጎት እየጨመረ በመምጣቱ የምግብ ባንኮች ሰዓታቸውን ሊቀይሩ ወይም እግረ መንገዳቸውን ለሚጠቀሙ ሰዎች ዝግ ሊሆኑ ይችላሉ፡፡ ከመሄድዎ በፊት እባክዎን ይደውሉ። Nortwest Harvest የስቴት ደረጃ የምግብ ባንክ መረብ ነው። የከተማዎን ስም በ ድህረ ገጻችን ለማስገባት በስተ ግራ በሚገኘው አረንጓዴ ሳጥን ላይ ይተይቡ፡፡

በምስራቅ ዋሽንግተን የሚኖሩ ከሆነ የምግብ ባንኮች ዝርዝር በ Second Harvest ላይ ማግኘት ይችላሉ፡፡ በአከባቢዎ ያሉ የምግብ ባንኮችን ዝርዝር ለማግኘት ካውንቲዎን በዚህ ድህረ ገጽ ይምረጡ፡፡

መሰረታዊ የምግብ ጥቅማጥቅም ካርዶች

መሰረታዊ የምግብ ጥቅማጥቅም (EBT) ካርዶች ምግብ ለመግዛት ይጠቅማሉ እና ለብዙ ሰዎች ማግኘት የሚቻሉ ናቸው። የU.S. ዜጎች በዋሺንግተን ግዛት Department of Social and Health Services (DSHS) ድረገጽ ላይ መሰረታዊ ምግብ ገጽ የሚለው ላይ ለዚህ ጥቅማጥቅም ማመልከት ይችላሉ።

ማስታወሻ: የፌደራል መንግስት ለተወሰኑ አዋቂዎች የሚሰራውን የስራ መስፈርት በዚህ ችግር ወቅት አግዶታል። ቢሆንም ግን፣ ለዚህ ጥቅማጥቅም ብቁ ለመሆን የፌደራል መንግስት የU.S. ዜጋ መሆንዎን ይጠይቃል።

ከላይ እንደተገለጹት አይነት የዴቢት-ስታይል ካርዶች ሌሎች የፕሮግራም መስፈርቶችን ለሚያሟሉ ብዙ ዜጋ ላልሆኑ ሰዎች ይገኛል። ለዚህ ጥቅማጥቅም በDSHS የመንግስት የምግብ ድጋፍ ፕሮግራም ላይ ማመልከት ይችላሉ (በእንግሊዘኛ ብቻ)።

መረጃ ለቤተሰቦች

ይህ ለመላው ቤተሰብዎ አስጨናቂ ጊዜ ነው፡፡ ይህንን ሁኔታ ከልጆችዎ ጋር እንዴት ማስተካከል እንዳለቦት አንዳንድ ምክሮች እዚህ ያገኛሉ፡፡

የ ቤተሰብ ውይይቶችን በምቹ ቦታዎች ያድርጉ እና የ ቤተሰብ አባሎች ጥያቄ እንዲጠይቁ አበረታታቸው፡፡ የሚረዱትን ቋንቋ ለመጠቀም እና ልዩ ፍርሃታቸውን ወይም የተሳሳቱ አመለካከቶቻቸውን ለመፍታት ከትናንሽ ልጆች ጋር የተለየ ውይይት ለማድረግ ያስቡበት።

ምንም እንኳን መረጃዎን ማወቅ ቢያስፈልግዎትም ፍርሃትን ወይም ሽብርን ሊያሳድጉ ለሚችሉ ሚዲያዎች ወይም ማህበራዊ ሚዲያዎች ተጋላጭነትን ያቀንሱ፡፡ ልጆችዎ በሚዲያ ስለ ወረርሽኙ ተጋላጭነታቸው ምን ያህል ጊዜያቸው በማህበራዊ ድህረ ገጾች ወይም ሚዲያዎሽ እንደሚያሳልፈ ይቆጣጠሩ(ይገድቡ)፡፡

ጥያቄዎችን በማበረታታት እና አሁን ያለውን ሁኔታ እንዲገነዘቡ በማድረግ ልጆችን በመርዳት ላይ ያተኩሩ፡፡

  • ስሜቶቻቸውን እንዲገልጹ ያድርጓቸው እናም ሃሳባቸውን ይቀበሏቸው።
  • በስዕል ወይም በሌሎች እንቅስቃሴዎች ስሜታቸውን እንዲገልጹ ያግዙዋቸው፡፡
  • ቫይረሱ እንዴት እንደሚሰራጭ እና እያንዳንዱ የመተንፈሻ አካላት የሚያጠቃ በሽታ ኮቪድ-19ን ሊያስከትለው የሚችል ኖቬል ኮሮና ቫይረስ አለመሆኑን በተመለከተ የተሳሳተ መረጃ ወይም የተሳሳተ ግንዛቤን ያብራሩ።
  • ምቾት እና ተጨማሪ ትዕግስት ያዳብሩ።
  • በመደበኛነት ወይም ሁኔታው ሲቀየር ከልጆችዎ ጋር እንደገና መገናኘትዎን ያረጋግጡ።
  • የመኝታ ጊዜያት ፣ ምግብ እና የአካል ብቃት እንቅስቃሴ ጊዜ ሲወስድ የቤተሰብዎን ፕሮግራም ወጥነት ይያዙ፡፡፣ እንደ ንባብ ፣ ፊልሞችን ማየት ፣ ሙዚቃ ማዳመጥ ፣ ጨዋታ መጫወትን ፣ የአካል ብቃት እንቅስቃሴን ላይ መሳተፍ ወይም በሃይማኖታዊ እንቅስቃሴዎች ውስጥ መሳተፍን (መፀለይ ፣ በአገልግሎት ላይ መሳተፍ) እና እርስዎ እና ቤተሰብዎ በሌሎች አስጨናቂ ሁኔታዎች ውስጥ የተሻሉ እንዲሆኑ ያደረጓቸውን ነገሮች በቤትዎ ለማድረግ ጊዜ ይስሩ፡፡
  • እንደ ብቸኝነት ፣ ድብርት ፣ በሽታ ሊያመጣ ይችላል የሚል ፍርሃት ፣ ጭንቀት ፣ ውጥረት እና ሽብር ያሉ ስሜቶች እንደ ወረርሽኝ ላሉ አሳሳቢ ሁኔታዎች የተለመዱ ምላሾች ናቸው፡፡
  • ከቤተሰብዎ እና ከባህላዊ እሴቶችዎ ጋር በሚጣጣሙ አስደሳች እና ትርጉም ያለው እንቅስቃሴዎች እንዲሳተፉ ቤተሰብዎ ያግዙ፡፡
ተጨማሪ ማጣቀሻ እና መረጃዎች

Washington State Commission on Asian Pacific American Affairs (CAPAA)