COVID-19 (Novel coronavirus) poraus mi auchea kopwe sinei, angang, me pisekin eaea non Washington State.

COVID-19 Fon kopwe kokori

Ika mi wor om kepas eis fanitan COVID-19, kose mochen kokori 1-800-525-0127 me tiki #. Ika ra ponuwenuk, ka urenir fosun meni neni ka eaea pwe repwe ngonuk emon epwe awewe om fos non pusin om fos. Ei fon kopwe kokori a kan suk seni kunok 6 nesosor, tori kunok 10 nepwin, Sarinfan-Enimu me kunok 8 nesosor - 6 nekunion, non Ammon-Raninfan.

Epwe afatafat

Ren ekkewe sofon poraus usun COVID-19, pachenong porausen appos, churi:

Aramasen non Washington state ra kan peser pwe repwe eaea ew pwonupwonun mas ika pwe ra kan nom non ewe nenien aramas non imw ika resamo angei ewe appos, nukun imw kena me pwan rese tongeni nom 6 fit (2 meter) seni pwan ekkoch.

Nge ekkewe aramas ra kan unusenapen appos, repwene kan fiti ekkena fofor nukun me urumot nge resapw mo eaea masku, chienon chok non ekkoch neni kena a fakkun chomong aramas. Aramas repwene kan era pwe ra kan unusenapen appos ruwow wik murin ar angei aruwowen ar we appos ika pwe ra angei ekkewe appos mi ruwow apposun (Pfizer-BioNTech ika Moderna), ika ruwow wik murin ar angei ew apposun ewe mi chok ew apposun (Johnson and Johnson (J&J)/Janssen).

Ekkoch aramas meni mi wor ar semwen kena a kan fori pwe epwe tumunungaw ar repwe eaea ew pwonupwonun meser, nge esapw mo pesei emon pwe epwe awora pwaratan pwe a wor ar na semwen. Me pwan, meinisin nenien chon angang ra kan peser pwe repwe awora pwonupwonun mas ika masku ren meinisin chon angang kena rese kan chok angang won pusin ir.

Mi wor katenon pekin aninis seni ewe July 31, 2021, ren waten pochokun, nour kewe fon non imwer kewe, me pwan mon fifi me konik ren imwer kewe. Ekewe aramas ra nomw non ekewe neni repwe kokori ekewe kompenien ren pekin fifi me konik ar repwe tingor aninis ren ar repwe tongeni monatiw ar kewe fifi me konik.

Ewe kafomon a amarano ewe katen ar rese monatiw rentin imwer kewe ngeni June 30, 2021. Ika pwe noum ewe Landlord ika meni ika fonuwan ewe a atai anukun ewe katen metoch, kemi tongeni kopwe kokori ewe state Office of the Attorney General me mak ngeni (833) 660-4877 me fini nampa ew 1. Emon me nein ekewe chon angang ina epwe koko sefan.

Suksefanin Washington

Governor Jay Inslee a kan koko ngeni chon nonom non Washington pwe repwe fofori ekkena fofor ngeni awukanon feinfetanen ewe COVID-19.

Nge ika mo ka angei unusenapen ekkewe appos, kopwe chok chuen fofori ekkena fofor pwe kopwe pwonupwonu inisum me pwan ekkoch nupwen ka kan nom non nenien aramas meinisin. Ena mi pachenong eaean ew masku, nonom esapw kis seni onu fit seni ekkoch, me pwan nom seni chomong mwichen aramas me pwan ekkena neni mi ngaw fetanen asepwan non. Me pwan pachenong, kopwe kan nom seni ekkena mwich fengen mi kan ekis watte ika watteno me pwan sopwesopweno ne nenengeni ekkena napenapen ewe COVID-19 akaewin ika pwe ka kan arap ngeni emon mi kan semwen. Ika pwe ka kan mefi napenapen ewe COVID-19, kopwene no angei ewe tes.

Churi an ewe county we webpage ren ususum iei (non kapasen Merika chok) ren chomong poraus ren tetenin suksefanin eom ei county iei.

Ekkewe minapen fofor ra kan mumuta iei ra kan etto murin:

  • Fofor mi fakkun euchea usun chok kamo mettoch, kaseni wom, angei eom safei ika etino ngeni ew eom atetenin safei.
  • Feino angang non ew bisinis mi euchea ika ew bisinis kena mi mumuta ar repwe suk fan an ewe Governor we ammon.
  • Saino eom kopwe angei mongo ka order seni ew kafie mi arap ngonuk. Kafie kena ra kan suk ren awukukun nampan chon mongo non ewe imw non teten 2 me 3.
  • Fetan fein me pwan no urumot nukun, nge ika chok a kan fofori ew taman nefinom seni aramas non ruwow meter (onu fit). Kopwe kan fofori eom kena urumot non ekkena neni mi arap ngeni imwomuna pwe kopwe apeti feinfetanen ewe COVID-19 me nukun neieom kena.
  • Eaean non ran ekkewe state parks me fanuen mun kewe ren neset, nii man me pwan ekkoch sakkun foforun urumot. Kamping a kan mumuta non state parks kena non ekkena county ra kan nom non teten 2 me 3.
WA Aronga pwa ngeni arongorong kena smarphone app
Image
WA_DOH_FlowChart_CHUUKESE.PNG

Washington Arongorongon Arapan Toruk (Washington Exposure Notifications) (a pwan sisnei WA Aronga(WA Notify) ) ew minafon pekin aninis na efis eaean seni me won ekkena smartphones, nge sise pwarano poraus eouchean emon, ren ach sipwe ereni ewe mi noun ewe phone pwe ika ra arap ngeni emon mi tori ewe semwenin COVID-19.  Mi fakkun appet seni aramas, me pwal esapw sinei ika kutta en io ika ifa ka no ia.

ika pwe ka awurata ewe WA Notify, noum we phone epwe ekesiwin fetan, nampa ese nifinifin ngeni noun aramas phone kena mi arap ngonuk ekkena ra pwan awurata ewe WA Notify. Ewe app e eaea Bluetooth mi kis eaean fifi (Bluetooth Low Energy) teknology ren ar repwe ekkesiwin ekkei nampa ese nifinifin nge resapw pwarata mo eoch porausom. Ika pwe pwan emon chon eaea WA Notify ka kan arap ngeni non ekkewe ruu week nge murin ii a punguno tesin pwe a tori ewe COVID-19 me apechata nour we nampan pwarata ngeni ewe app, iwe kopwene angai ew arongorong seni ese fat itan pwe menni en ka kan arap ngeni emon mi semwen. Ei e mut ngonuk eom kopwene mutir ne angai aninis ren safei me pwan aninis ren pinepenen atorngeni aramaseom ewe COVID-19.

Won ew iPhone, kopwe awurata Exposure Notification non Settings:

  • Tonong non Settings
  • Akunatiw ngeni Exposure Notifications
  • Tiki “Turn On Exposure Notifications”
  • Finata United States
  • Finata Washington State

Won ew Android phone:

  • Tonong non ewe Google Play Store
  • Download ewe Washington Exposure Notifications app (WA Notify)

Kapas eis ra kan era ren Arongorongon Arapan Toruk

1.    Met upwe tongei saininong ren ai upwe eaea WA Notify?

Ngou. WA Notify mi free me pwan voluntary. En mi tongei sainiuou non ew fansoun ka mochen. Kopwe chok akunano ewe mettoch ika amorano ewe app. Meinisin ekkewe nampa ese nifinifin mi iseis seni ekkoch chon eaea mi arap ngonuk repwene kamorono nge resapw tongeni angai sefan

2.    Met ewe WA Notify mi ew app ren contact tracing?

Apw. Contact tracing e aiti ewe aramas a pung tesin ren ewe COVID-19 nge a arap ngonuk me mwan. WA Notify ese kan kutta ika asisina poraus usun aramas kena ka kan arap ngenir, iwe ese fofori “contract tracing.” Ewe app ese ioi ika ekesiwin ekkoch porausen aramas, iwe ese tufich ren ew neni an epwe sinei io ken en ka kan arap ngenir.

3.    Meta ei ew “Far ngeni”?

Ew far ngeni e fis nupwen en ka kan nom non ew nangetamen fansoun arun emon chon eaea WA Notify iwe murin a pung tesin ren ewe COVID-19. Ei mi fiti minafon afanefan seni ewe CDC usun tamen nefinach me pwan feinfetanen ewe COVID-19.

4.    Epwe ifa usun ika WA Notify a ereneie pwe ngang meni uwa kan far ngeni?

Ika pwe WA Notify a ditek pwe en ka kan far ngeni, ew arongorong won noum we fon epwene awena ngonuk ngeni ewe website fiti poraus usun meta kopwene fori murin. Ekkei epwe pachenong ifa me ika ie a tes, poraus usun tumunum me pwan tumunun ekkena chon atongom, me pwan mettoch epwe panuweni eom kapas eis. Mi fakkun nomot eom kopwe aneafichi me pwan fitieochu ekkewe afanefan won ewe website.

5.    Ifa usun tumunun porausei mi auchea?

WA Notify mi fis seni technology ren ewe Arongorongon Arapan Toruk seni Google Apple, iwe mi fofor ren an epwe tumunu poraus mi auchea kena. Ei system ese angai ika eaeafengen eoch porausen ia ka nom ia ika porausom ngeni Google, Apple, ewe Washington State Department of Health(DOH), ika pwan ekkoch chon eaea. Unusenapen fitinong mi chok volunteer. Chon eaea repwe tongeni tonong ika touou ew fansoun ra mochen. Ren chomongen poraus ifa usun poraus auchea ren chon eaea a tumun, nengeni ewe WA Exposure Notifications we annukun poraus auchea.

6.    Met aramas repwe sinnei ika pwe ai tes a pung ren ewe COVID-19?

Apw. WA Notify esapw eaea ngeni emon eoch porausom. Ika pwe emon a angai ew arongorong usun an epwene far ngeni, repwe chok sinnei pwe emon ra arap ngeni non ekkewe 14 ran me mwan a pung tesin ren ewe COVID-19. Resapw sinnei io ewe aramas ika ia ewe far ngeni a fis ie.

7.    Met upwene moni ewe WA Notify?

Apw. Ewe WA Notify mi free.

8.    Ifa usun an ewe WA Notify anisi Washington state?

Chomong chon kaeo ra pwarata pwe ika pwe a chomongun aramas ra eaea ewe arongorongon arap ngeni chon semwen, iwe epwe fakkun nap nomoten ngeni aramas. Ew anapenap non unungat counties non Washington state e pwarata pwe ika mo ew chokisikisin araramas ikei ra eaea ewe WA Notify epwe akisano COVID-19 torun me mano. Usun chok eaean masku, towawen nefinom me pwan akisano chochon chon chufengen, WA Notify mi pwan ew pisek ren aninisin pinepenen fetanfeinin ewe COVID-19.

9.    Met ewe WA Notify epwe fofor ika pwe uwa saino nukun ewe state?

Ngou. Ika pwe ka saino ngeni ew state mi eaea ewe app mi eaea ewe Apple/Google teknology, iwe noum we fon epwe soposopweno an akasiwini ekkewe nampa ese nifinifin me ekkewe chon eaea non ewe state. Ese wor popun eom kopwe siwini eoch non eom we app settings. Ika pwe ka mokutuwow seni Washington non ew nangetamen fansoun, iwe kopwe cheki eom finifin non ewe ew state ren eom kopwe angai aninis me ikena me pwan akoko.

10.    Pwata sia mochen me ruou contract tracing me WA Notify?

Contact tracing a kan ew pekin aninis mi fakkun fisieoch ren ar katonong aninisin pechakunen aramas non engon ier. WA Notify e anisi ei angang nge resapw ureni emon. Iei ew awewen: Ika pwe tesum a pung ren ewe COVID-19, emon chon angangen pekin pechakunen aramas epwene koko me pwan eisinuk ren eom kopwe erenir io kewe ka kan arap ngenir non ei attun. Kosapw aiti emon aramas kese sinei ke momot arun won ew bus. Ika pwe ami me ruemon mi eaea WA Notify, ewe aramas kese sinei won ewe bus ra tongeni kokori nge resapw era ir io ren ar repwe ator ngeni pwe I a far ngeni me pwan fori ekkoch fofor ren an ewe pinei feinfetanen ewe COVID-19 ngeni chiener me chon ar famini. Usun chok tetenun paum me eaean masku ew me ew ra anisi awukunon feinfetanen ewe COVID-19, ir me ruou fengen ra fakkun eoch.

11.    Ifa taman an WA Notify epwe angai ne ator ngeni ekkewe ekkoch chon eaea?

Chon eaea kena ra far ngeni ewe COVID-19 seni pwan emon chon eaea repwene angai arongorong me non 24 awa murin ewe chon eaea mi pung tesin ren COVID a uwanong nour we nampan pwarata non ewe WA Notify.

12.    Met emi wor pungun ach sipwe angai nap seni ew akoko seni ewe WA Notify?

Ngou, ekkena chon eaea ra kan far ngeni nap seni ew fansoun repwene ator ngenir ren fan fita ra far ngenir.

13.    Ifa usun ai upwe sinnei WA Notify ika a pung ai tesin ren ewe COVID-19?

Ika pwe eom tes a pung me pwan emon chon public health a kokowow ngonuk, repwene eisinuk ika pwe ka eaea WA Notify.  Ika pwe en mi eaea, iwe repwene forata ew nampan pwarata me pwan anisuk ne uwanong non ewe WA Notify. Ewe nampa ese pach ngeni porausom. Public health esapw wor ar sinei io we epwene arongeni seni ewe app usun far ngeni nupwen ka uwanong ewe nampa. Ewe arongorong esapw pachenong ekkoch poraus usum. Ika pwe a chomong aramas ra eaea fengen nour nampa, iwe epwe eochuno pwe sia tongeni pinei feinfetanen ewe COVID-19.

14.    Met mi wor mettoch upwe fori murin ai apechanong WA Notify ngeni nei we fon?

Apechanong ekkoch fofor epwe chok tufich ika:

  1. Eom tes a pung ren COVID-19, ika
  2. Ka angai ew arongorong pwe en ka fen far ngeni.

Ika pwe eom tes a pung, nge ewe public health a kokoruk repwene eisinuk ika pwe ka eaea WA Notify. Ika pwe en mi eaea, iwe repwene forata ew nampan pwarata me pwan anisuk ne uwanong non ewe WA Notify. Ewe nampa ese pach ngeni porausom. Public health esapw wor ar sinei io we epwene arongeni seni ewe app usun far ngeni nupwen ka uwanong ewe nampa. Ewe arongorong esapw pachenong ekkoch poraus usum. Ika pwe a chomong aramas ra eaea fengen nour nampa, iwe epwe eochuno pwe sia tongeni pinei feinfetanen ewe COVID-19.

Ika pwe WA Notify a ditek pwe en ka kan far ngeni, ew arongorong won noum we fon epwene awena ngonuk ngeni ewe website fiti poraus usun meta kopwene fori murin. Ekkei epwe pachenong ifa me ika ie a tes, poraus usun tumunum me pwan tumunun ekkena chon atongom, me pwan mettoch epwe panuweni eom kapas eis. Mi fakkun nomot eom kopwe aneafichi me pwan fitieochu ekkewe afanefan won ewe website. Ewe arongorong esapw pachenong poraus usun io e afar ngonuk ika ia e fis ie. Mi fakkun tit seni aramas.

15.    Met eaean WA Notify epwene nieno nei we bateri ika eaea napen nei we data?

Apw. E fofor pwe epwe kisikis ukukun won noum we data me menawen noum we bateri ren an eaea ewe Bluetooth Low Energy technology.

16.    Met ewe Bluetooth epwe chok susukuno ren an ewe WA Notify epwe angang?

Ngou. WA Notify e eaea Bluetooth Low Energy, iwe Bluetooth epwe iteitan angang chok ren ewe system epwe tongeni ditek ekkoch chon eaea mi arapeto.

17.    Met upwe chok angai ewe WA Notify suk won nai we fon ren an epwe angang?

Apw. WA Notify epwe angang me non ewe background.

18.    Ifa usun an WA Notify epwe pinei repotun tes kena mi mwan?

WA Notify e pesei chon eaea ar repwe apungu pwe ar tes mi pung ren ar repwe eaea ewe nampan pwarata mi kawor seni ewe chon angang seni public health. Ewe nampa ese pachngeni iteitan emon. Murin an ewe nampa a tonong, WA Notify epwene kan panungeni esenifinifin kena nampan chon eaea kena ra kan arapeto me pwan aronga ngenir pwe menni repwene far ngeni. Ewe arongorong ese pachenong ekkoch poraus usun io kena ra far ngenir ika ia ewe far ngenir a fis ie.

19.    Met mi wor aninisin WA Notify won smartphone kena mi mesino?

Chon nounou iPhone repwe kan eaea WA Notify ika pwe noum we operating system mi:

  • iOS version 13.7 o ika mesino (ren iPhone 6s, 6s Plus, SE o ika sofono)
  • iOS version 12.5 (ren iPhone 6, 6 plus, 5s)

Chon nounou Android repwe tongeni eaea WA Notify ika pwe noum we Android smartphone e tongeni awora Bluetooth Low Energy me pwan Android Version 6 (API 23) o ika tekia seni.

20.    Met upwe 18 ierei ren ai upwe eaea WA Notify?

Apw. WA Notify ese sinnei ika cheki ierum.

21.    Met ei technology epwe angang ika pwe ua nounou fengen fon me emon?

WA Notify ese tongeni sinei io we a nounou ewe fon non ewe fansoun ra kan far ngeni. Ika pwe ka nounou fengen ew fon, meinisin chon nounou ewe fon repwene fiti afanfanen public health ika WA Notify a era pwe emon a kan far ngeni ewe COVID-19.

22.    Met ewe WA Notify epwe angang won ekkena mettoch usun iPads ika smartwatches?

Apw. Ewe foforun arongorongon far ngeni a chok for ren an epwe chok angang won smartphones nge ese kan wor aninisin ren iPads ika tablets.

23.    Pweta Washington e fini ei fofor?

Washington a forata ew an state mweichen chon checheki, mi pachenong pekin security me chon sinei civil liberties me pwan chon non ekkoch neniach kei, ren ar repwe cheki ewe foforun Apple/Google. Ewe mweich ra apungano eaean ei mi feito seni pwaratan an ei platform ei angang eoch, ren eochun ar tumunu data me pwan ar eaea me non ekkoch kena state.

24.    Meta Washington state a fori ren ar repwe awora eaean ei technology ngeni ekkena aramas ese worn our smart phones?

WA Notify esapw chok ewe pisek epwe aninis ren pinepinen feinfetanen ewe COVID-19. Contact tracing me pwan ekkoch aninis ra fakkun eoch ngeni meinisin chon non Washington, nge ika mo nge ese worn our smartphone. Eaean masku, taman nefiner, me pwan awukuku chon chufengen ir pwan ekkoch sakkun kena meinisin aramas repwe kan fori pwe epwe anisi pinepinen feinfetanen ewe COVID-19.

25.    Uwa angai ew atorngeni usun aeoeonong nei we taropwen WA Notify ngeni pekin safean meinisin. Pwata?

An Washington State we Ofesin pekin Safei (Department of Health, DOH)e mochen sinei ifa usun eochun an WA Notify we fofor ngeni aramas pwe sipwe fori met kena epwe anepano eochun sia mochen ren ewe pisekin angang. Ika pwe ka mutata eaea fengenin eom kewe taropwen WA Notify, epetinon porausom epwe chuen chok ponupono. Esap wor porsausen inisum sia angai ika eaea fengen me pwan ese wor ew usun sipwe sinei en io. Chienon chok DOH epwe kan tongeni ekkei taropwe nge epwe chok non ekkewe tetenin non state.

26.    Ika pwe ekkewe chon eaea WA Notify ra mutata eaea fengenin nour taropwe, meta kena ra angai?

Ika pwe ka mutata eaea fengenin eom kewe taropwen WA Notify, epetinon porausom epwe chuen chok ponupono. Esap wor porsausen inisum sia angai ika eaea fengen me pwan ese wor ew usun sipwe sinei en io. Chienon chok ewe Washington State ofesin Pekin Safei epwe kan kuna ekkei taropwe me non ewe tetenin state, ina epwene pachenong:

  • Fita nampan aramas ra mutata ar repwe eaea fengen nour taropwe seni WA Notify. Ei epwe anisi kich pwe sipwe sinei ifa tipwen ach sosot mi kan.
  • Fita nampan ekkena atora ren arap ngeni ra angai seni chon eaea WA Notify. Ei e anisi kich ren ach sipwe kuna ususun ewe feinfaten ewe COVID-19.
  • Fita nampan aramas ra kan tiki won ew aronga arap ngeni. Ei e anisi ach kuta ifa an aramas mochen ar repwe nengeni meta ewe pekin safean meinisin ra kan apasa. 
  • Fita nampan aramas ra kan arap ngeni emon mi pung tesin ren ewe COVID-19, nge ese naf eom arap ngeni ika mi naf taman eom arap ngeni ren ar repwene atora ngeni ren ew arap ngeni. Ei a anisi ach nenengeni ika ewe annuk sia fiti ne finata ew arap ngeni non WA Notify epwene fofor sefan. 

27.    Nupwen uwa mutanong WA Notify won nei we iPhone, met upwene angai ewe asukun “Availability Alerts” epwe uruta ika ukuno? 

Ukuno mi eoch, nge sia pesei pwe uruta ika pwe ka saino nukun Washington state ren ew fansoun mi fakkun tameno. Nupwen Availability Alerts mi uruta, kopwene kan angai ew ator ngeni nupwen ka kan saino ngeni ew neni mi eaea arap ngeni atora teknologi mi kona seni WA Notify. Chon nounou iPhone repwe kan apechanong nap seni ew kinikin nge epwene tongeni finata ew chok kinikin epwe uruno fan ew fansoun chok. En kosapw kan atowouu ew kinikin ren eom kopwe aurata ew mifo. Chon nounou Android repwe kan pwan install atora ngeni arap ngeni app kena usun WA Notify seni nap seni ew state nge ew chok teknologi ra eaea mi wewe ngeni WA Notify epwe finite non ei fansoun pwe epwe uruta.

28.    Pwata iei e usun WA Notify a kan eaea napenon menawen batiri?

Nge wesewesen, ese kan ina. Eaean batiri won noum kenaf on a kan aweri ngonuk met persentin ewe batiri ka eaea iteitan ran mi pachenong ekkewe app usun WA Notify. Mi chomong app rese uruno unusen pwin. Nge esapw pwan WA Notify, nge EKAN cheki nampa ese nifinifin iteitan ekkoch awa ren an pach ngeni emon chon eaea a pung pwe epwe kan ator ngonuk ren ekkoch arap ngeni epwene fis. Iwe, ren awewe, ika pwe ese pwan wor ekkoch app ra uruno nupwen ka kan mour, WA Notify epwene tipweni ew persent mi tekia ren eaean batiri nupwen ei fansoun. Ena esapw wewen pwe WA Notify a kan eaea watten ewe batiri – nge ew chok tekian presentin ewe kukun nonon batiri ra eaea. 

29.    Met ngang mi tongeni angai aninisin tek ren ewe WA Notify app ren fonen Android?

Ngou. Google a forata ew email ren aramas a kan wor ngawen nour mettoch ren ar repwe tungor aninis ika pwan ekkoch pachenon aneno. Email exposure-notifications-api-support@google.com

30.    Washington a uwawou WA Notify non 29 kapasen fonu, iwe pwata uwa chok kuna non kapasen Merika me kapasen Spein non ewe sitowan Google Play?

WA Notify a kan chok angang fiti ewe kapasen fonu a foruta pwe epwene eaea won noun ewe chon eaea we fon. Mi wore w chok ukusin ewe WA Notify, nge pwan ekkoch pop-ups – ew arap ngeni ator ngeni, ren awewe – epwe pwata non ewe kapasen fonu ewe chon eaea e finata seni ekkewe 29 kapasen fonu Washington state a uwawou. 

Met kewe mi namot me auchea fan iten Angang me Sopai

Aninisin ekkewe remi tou seni ar angang

Ika en mi wes seni om anganag, en mi tufichin nom won ena aninisin chon angang ir mei tou seni ar angang. Ika ke mochen sinei ifa usun om kopwe amasowa ewe taropwen aninisin mei tou ika wes seni ar angang, kopwe (unemployment benefits) ka tongeni kokori 1-800-318-6022. Ika ra ponuwenuk, ka urenir fosun meni neni ka eaea pwe repwe ngonuk emon epwe awewe om fos non pusin om fos.

Chon Angang me ekkewe ar ewe Sopai

Ei Coronavirus pandemic a wor afeiengawan ngeni pukuwan me ngeroun chon angang me Angang non ach ei State.

Tumunun chon angang, mi pwan ku ekkewe nenien angang:

  • Asukuna nour kewe chon angang usun sainen me asisinen ei COVID-19 non pusin fosun fonuwer.
  • Forata ew social distancing plan.
  • Iteiten nge awor angangen animenim me sanitizing.
  • Iteiten nge awora ifa usun ar repwe tenu paur.
  • Tumunufichi pwe ekkewe chon angang repwe nomotiw neimw fansoun ra semwen.

Ponu ngeni ekkena kapas eis mi wewe fengen seni aramas usun asoson semwen mi momo, momo ngeni chon angang me pwan ekis porausen tumunun nenien angang epwe wor a kan kawor seni ewe ofesin Department of Labor & Industries non chomong kapasen fonu.

Ika ke osukosuk ren pekin tumun ren om ewe nenien angang, ka tongeni fori om atutur ren kokori ewe Department of Labor & Industries ren kokori nampa 800-423-7233. Chiaku won phone mi kawor.

Ika mi wor om kapas eis fan itan om we sopai me noum chon angang ren ei COVID-19, ka tongeni kokori ewe Putain (Employment Security Department)ren nampa 855-829-9243.

Tumunun semau me pwal lenien aworan insurens ren safei

Ka tongeni nounou insurance epwe ese kamo ika kukun chok met kopwe moni. Kokori ewe Health Care Authority won nampa 1-855-923-4633. Ika ra ponuwenuk, ka urenir fosun meni neni ka eaea pwe repwe ngonuk emon epwe awewe om fos non pusin om fos.

Ewe Alien Emergency Medical (AEM) Coverageew prokram ren ekkan aramas ir mei tufichin ar repwe nom won ewe qualifying medical emergency and rese tori ewe akaukun pwe ir wesewesen chon ewe neni ika rese tori ewe 5-ier bar.

Ewe Help Me Grow Washington Hotline at 1-800-322-2588 an epwe finata sokopaten health program me aninis en mi tufichin nom won me pwan anisuk om kopwe amasou ngeni. Iei mi kapachenong:

  • WIC (Women, Infants & Children Nutrition Program)/li>
  • Health Insurance ren semirit, fefin mi pwopwo me aramas mei mukono/li>
  • Anefina nefinen nounou non ewe Take Charge Program/li>
  • Pechakun me kokotun famini clinics/li>
  • Pwopwo me pisekin ekkewe monukon/li>
  • Aninis ren pekin aupu semirit/li>
  • Mei pwan wor prokram mi kawor fanitan mongo ika aninisin inis.
Poraus fanitan chon tonong me nukun me pwal chon tonlong seni leni kena mi wor maun

Ewe Office of Immigrant and Refugee Affairs (OIRA) a kan anisi chon etto ikei ar repwe weweiti poraus mi nomot usun COVID-19 me pwan an chon etto ikkei nonien kena. Ekkoch mettoch mi auchea om kopwe sinei:

  • Ekkewe Pioing me ekkewe nenien safei ika anisi chon semwen ese mumuta ar repwe uwawou ngeni ewe ICE nonomun emon chon tonong me nukun. Angei chekin COVID-19 me nom won aninisin mei osupwang ika nom won aninisin safei mei kukun ese apeti om tufichin amasou ngeni green card me chon nefonuno non ew neni.
  • Kopwe nounou ew social security nampa mei eoch ren om kopwe amasou ngeni ewe aninis ren chon angang ir mei asoso seni ar angang. Ika ke mochen fos ngeni emon fan iten om kopwe angei ei aninisin chon asoso seni ar angang kopwe kokori namapa 1-800-318-6022.
  • Om nounou ewe aninisin chon asoso seni ar angang esap aosukosuka om tufichin amasou ngeni green card ika chon ne fonuno fan nurun ewe allukun Public Charge.
  • En mi tufichin nom won ewe Washington State Paid Family me Medical Leave ren om kopwe tumunu emon mi tori ewe semwen Covid-19 ika tumunu pusin en ika a toruk ewe virus. Kose pwan nounou social security nampa ren om kopwe nounou ei pekin aninis. ESD mi etiwa chomong ese pwan nifinifin sokopaten taropwe.
  • Ika pwe en emon chon eani ew bisinis nge ka kan kut aninis, kopwe aeoeo ren ew atepwanepwanen monien paro seni ewe An Munnap Ofes ren Bisinis mi Kukun (Federal Small Business Administration) esapw angawano eom tongeni angei ew katon nonom ikei ika kopwe emon chon ikei.

Ewe Office of Immigrant and Refugee Affairs (OIRA) a kan pesi pwe ika pwe kose kan sinei nonomum ika usun emon chon non eom family, ika aninisum, kokori emon souannukun immigiration, chon angangen immigiration ika emon epwe tipwenuk mi mumuta seni ewe ofesin Department of Justice (DOJ). Kopwene kan tongeni weri emon souannukun immigiration me non ewe mwich Mwichen Remerika Souannuk Ren Chon etto ikei (American Immigiration Lawyers Association), ika kopwe kan churi ew website ren ekkena mwich mi mumuta seni ewe DOJ.

OIRA mi tongeni anisi ekkewe refugess me chon tonong me nukun ngeni ekkoch programs ika aninis:

  • Kut angang me asuk.
  • Aninis ren chon tonong me nukun.
  • Chon asukuna ekkewe serafo.
  • Aninis ren ekkewe refuge ra chinap, semirit, chon sukun, me pwan ekkoch.
  • Ekkoch ekkei prokram ar suk mi chuan towaw non ei atun COVID-19. Mi wor minafon aninis ngonuk om kopwe amasou om angang ika aninisin chon asoso seni ar angang, anisi om sukun, me awor aninis ren imw. Monian aninis ren ekkewe chon etto seni leni mi wor maun(Refugee) me Aninisin safei ren ekkewe (Refugee Medical Assistance) a pwan tori Sept. 30, 2020.
  • Ren angangan me ekkoch poraus auchea, kokori 360-890-0691.

Fanitan ekkoch kapaseis ren an chon tonong me nukun puung, angeianinis fanitan aramasom/chiechiom mi kauno an angei aninisin, me pwan ekkoch poraus mi pwan chon arapakan ngeni, kopwe kokori ewe Washington Immigrant Solidaity Network hotline ren Nampa 1-844-724-3737. Chiaku won Phone mi pwan mumuta ika wor.

Semwenin non mokur me Ekiek

Ei epwe ew fansoun osukosuken ourek. Epwe nonoeoch ika en ika emon en mi fakun tongei epwe wor ami eourek, netipengaw, nuokus ika song. Esap en chon akkanamon. Mi eoch kopwe pwan kuta an om aninis me nukun.

Meinisin ir mei sokofesen non ar eurek me osukosuk mi ariafou. Met mi auchea kopwe fori kopwe tumunu inisum, om famini, me chon non neniom ren om tongeni.

Met e anisuk ren om opwe tufich non ei atun asosot? Ka mwo tou nukun ren churi chienom me om famini? Eni ren ngasemong ika aeawun, ekkoch taiso, ika ew maur mi akinamwe? Tumunu inisum ina ew auwonam, ren an epwe anisuk, me pwan ekisano om ourek.

Kori Washington Listens won 1-833-681-0211. Chiaku won phone mi kawor. Ren rongorong ngeni ei COVID-19 pandemic, Washington a awora ika atour ew prokraimin aninis itan Washington Listens. Ekkan aramas rekan fiti ika nom won en Washington Listens services ra angei aninisin ar repwe tongeni anisi ika aeochuno met ar eurek ren met mi kesiwin ren ei COVID-19. Washington Listens mi mut ngeni ese pwan nifinifin non Washington ar repwe fos ngeni emon mi angangeoch non pekin aninis. Chon koko mi kawor ngeni aninis me riri ngeni ewe community resources non ar kinikin. Ei program kosapw mo uro itom.

Ika ka nom non osukosuken moni kopwe fos ngeni emon ren pekin asukuna kopwe ifa usun, mei wor ekkoch finata kopwe sinei.

  • Ewe Disaster Distress Helpline mi kan awor asuk ngeni io aramas mei wor an osukosuken ekiek distress mi riri ngeni nonomun me osukosuken aramas disaster kokori 1-800-985-5990. Ika ra ponuwenuk, ka urenir fosun meni neni ka eaea pwe repwe ngonuk emon epwe awewe om fos non pusin om fos. Ena neni mi suk 24 awa non ew iteiten ran.
  • Crisis Connections mi wor 24-Hour Crisis Line ekan awora aninis mi atepwanapwan ngeni emon me emon, famini, me chiechien ewe mi nom non osukosuken an ekiek. A kan anisi ewe aramas no nom non King County. Pekin chiaku mi kawor. Kori 1 866 427-4747.
  • National Suicide Prevention Lifeline mi awora apetin me aninis ren osukosuk ren ekkewe aramas ra kan ekiekin pusin afeiengawer. Atongeach kewe ir mi pwan tongeni kokori ewe lifeline ren aninis faniten aninisin ar famini me chiechier kewe. Kori 1-800-273-8255. Ei hotline mi suk 24 awa ew ran, 7 ran non ew week. Mi wor ew helpline fanitan chok ekkewe ir ra wate ar angang ngeni pekin sounfiu. Kokori namapa 1-800-273-8255 murn tiki 1. Ika pwe en emon mi pung seningom ika weires om kopwe rongorong fos, kokori 1 800-799-4889.
Kaworen mongo

Ika mei wor noun semirit ier 18 ika kis seni ir repwe mongo nge resap pwan moni me non ar kewe sukun. Aramas ir mei mukono nge mei wor terir nge ra fiti ekkewe sukun ir mei tufichin ar repwe mongo seni sukun. Non ekkoch fansoun, ekkei mongo remi kan tongeni uwei ngeni ika uwawou nukun sukun ika non ekkena bus stop. Kokori ena kinikin om na sukun en nom ia if ir me awor mongo ese kamo.

Ren ekkewe ir mei pwopwo, ika ekkewe ra keran nounou me ekkewe semirit kukun seni nimu ier, auwa tongeni angei enemi mongo seni ewe Department of Health's Women, Infants and Chilren (WIC) Program. Kokori 1-866-632-9992 ren pekin chiaku.

Food banks eni epwe ne kesiwin nour kunok ika fen kesipino ngeni fetan faniten ei watten tungorun mongo non ei atun Covid-19. Kose mochen kopwe koko me mwen om feino. Northwest Harvest pwan ew statewide food bank network Makeitiw itan ena city ke nom non ena pwor penimongun ena pwor mi anuwenfetin on ei website.

Ika pwe ke nom lon palieorun (Eastern Washington) kopwe weri ekkewe iteitan food banks won Second Harvest. Fini ena neni ke nom non me won ei website fan itan meni food banks e nom non om na kinikin.

Kartun aninisin pekin mwongo

Aninisin Pekin Mwongo (EBT) cards epwe tongeni aa an epwe moni mwongo me pwan kawor ngeni ese pwan nifinifin aramas. U.S. citizens ra tongeni apply ekei aninis won ewe Basic Food peich won ewe Washington State Department of Social and Health Services (DSHS) website.

Porous: Ewe federal government a fori ekoch angang an epwe kawor ekei metoch ren ekocharamas fansoun ei osukosuk. Ina mwo nge, ewe federal government ra mochen pwe kopwe emon U.S. citizen omw kopwe angei ekei pekin aninis.

Ekewe sokun Debit cards usun ekewe ra aweweti asan ra kawor ngeni chomong ekewe esap ir chon ikei me a mi wor rer ekewe metoch ewe prokram a mochen. Kemi tongeni apply ekei pekin aninis ren ewe DSHS State Food Assistance Program (only in English).

Porausan me nonomoch faniten chomong famini

Iei ei fansoun eurek faniten unusen famini. Ikei ekkoch aninis ren om kopwe ifa ne atawei ei osukosuk ngeni noun semirit:

Unusen ewe famini repwe mwichefengen non ew neni mi kinamwe iwe ra apochokuna ngeni chochon ewe famini ar repwe kekepas eis fengen. Mi eoch epwe wor aiemufesen me ekkewe semirit fansoun mwich pokiten epwe wor nounou ekkoch kapas repwe weweitinge epwe fen efisata ar nukus me wewengaw.

Ika mi fen eoch om kopwe sinei, kopwe aukuku om nom won media outlets ika social media pokiten epwe awora ngonuk nuokus me noninen. Kopwe pwan sinei ika fitu media coverage ika social media noum we semirit a nounou faniten ei pandemic.

Kopwe chok atona ika anisi ekkewe semirit ne epechokuna ngenir kapas eis me anisir ren ar repwe weweiti met ei osukosuken ikenai.

  • poraus ngenir won met ra mefi me apungu ngenir ran ar repwe wewe.
  • Anisir ren ar repwe uwawou met ra mefi ika met mi nonom non ekiekir ren aunu mettoch ika fori ekkoch urumwot.
  • Afata fichi met poraus ese pung me met wewengaw ren ia usun an ei semwen chewfetan pwan esap meinisin semwenin faniten ach ngasengas ew minafon coronavirus an epwe ne efisata COVID-19.
  • Awora kinamwe me pwan nikitiw ne nonom.
  • Cheki noum kewe semirit iteiten ika inet ei osukosuk epwe kesiwin.
  • Cheki fichi tetenin an ewe famini fansoun mour, mongo, me taiso.
  • Fori ekkoch mettoch non imw ren an epwe efisi kinamwen ewe famini non ei fansoun eurek, ren anea book, katon kachito, ausening ngeni kon, nounou games, taiso ika fen fiti ekkoch angangen mwichefen (iotek, fiti fen won line).
  • Asina ekkei memef ren pos, chipwang ne nonom, nuokusun semwen, osukosuken ekieki met epwe fis, eurek me noninen ir ekkei sokun memef ngeni osukosuken eurekin ei Pandamic.
  • Anisi om we famini an epwe riri ngeni ekkoch apwapwa me angang mi namot ngeni nonon om we famini me eoreni.
Poraus mi namot epwe pwan kawor

Washington State Commission on Asian Pacific American Affairs (CAPAA)