Emwen ngeni Pekin Tumunun Chufengen non ei fansoun COVID-19

Multilingual Resources

Image

Ika mwo ka opwosun ei semwen ika kese mwo opwos, ika pwe ka kokotun omw kopwe mwicheich ngeni chiechiom me omw famini non ei fansoun winter ika patapat, ekieki usun met kopwe fori pwe kopwe anisuk pusin me ekewe kamen tonger ar repwe tumun seni COVID-19.

Nupwe fansoun ka ounusa omw opwos ina ena anen tumun an epwe anisuk me ekewe aramas orum, akaewin ekewe rese mwo eochu ngenir ar repwe angei ekewe opwos. Ekewe opwos ramen namwot pokiten ra anisi an esap choufetan ewe semwen COVID-19. Opwos, aan Mask, totonun paw, nomwetiw non imw ika ka semwen ikena ekewe meinisin anen omw kopwe anisi ekoch.

Mwicheich nein Chomong Aramas

Ren unusan, Nupwen a wor fansoun chufengen me nukun non ei otun:

  • Angei ekewe opwos ina eochun anen an epwe anisuk seni waten semwen,omw kopwe nomwono non ewe pioing ika fen mano fan iten ewe semwenin COVID-19.
  • Masamas Mask. ika mwo ka opwos ika kese opwos, aramas seni nimwu ier ika watenon, ra mochen pwe repwe masamas an epwe opwonano awer non meinisin mwokutukut mi nomw non neni mi chomong aramas, me mwicheichen nukun ren 500 ika chomongonon aramas, awewe ren ekan concert ika pekin urumwot ren sports. Sia opochokuna pwe semirit nukanapen 2 ngeni 4 ier repwe pwan masamas mask.
  • Nomwetiw non imw. ika pwe ka semwen ika a wor ekoch esinsinen ewe semwen.
  • Kokot me mwan. Kopwe pusin emwenuk ika epwe wor ekoch anen omw kopwe tongeni tori imwom ika pwe ka kuna nge ese chiwen tumun ika ka nomw non ew neni akan osukosuk, ren chomongen aramas ren ekewe bar nge rese masamas mask.

Mwicheich mi Mwonomwonono

Me mwen kopwe wisen efisi ewe emwicheich

  • Katoneoch nisen noum kewe wasona. Ekieki ika ion kopwe esinei ngeni epwe eto fiti. Epwe wor aramas epwe mecheres ar repwe urir epwe semwnein COVID-19, pachonong ekewe kukunun semirit rese mwo mwumwuta ar repwe angei ewe opwos? Kemi sinei ika pwe noum kewe wasona ra angei ewe opwos ika rese? Ika kese sinei, amen auchea kopwe eis pwe kopwe tongeni fori omw okot.
  • Fori omw kokot me mwan. ika pwe a chomong chon rese opwos, ika ekoch mi wor rese opwos seni masowen non imwer me repwe mecheres ngenir ar repwe angei ewe semwenin COVID-19, ew anen tumun kopwe chok efisi online. Ika pwe ka ekieki pwe oupwene chufengen non foufoun aramas, kopwe afata ngeni chichiom kewe me famini ren met ka mochen pwe epwe wor tumun nupwen fansoun owa ochufengen.
  • Tumunun pekin sai. ika pwe kokotun kopwe sai omw kopwe kochufengen me omw famini ika chiechiom, kose mochen kopwe fiti ewe CDC ren pekin emwenin sai. Kopwe tumuneoch ika pwe kopwe sai ngeni eoch neni mi wor chomong chon urir COVID-19, kopwe ttumuneoch omw kopwe masamas mask me awora 6 fit (2 miter) seni ekoch me neien chomong aramas.
  • Epwe fis nukun. Pekin chufengen me nukun e tumun nap seni chufengen non. Ika pwe epwe fis non, fini ekewe neni epwe wor wate ian epwe asepwan epwe sa fetan, awewe ren ekewe rumw mi epwe suk asam mwacho.
  • Epwe chok kukun. Epwe eoch ika pwe epwe chokukun chon eto fiti nge esap ir masowen non imwom we.
  • Epwe chok mwochomwoch. Kukunun fansoun epwe awora an epwe chokukun chon repwe minafetani ewe monuwen semwenin COVID-19. Pwan kukunun emwicheich fengen epwe pwan mecheres an epwe nimeoch paw me repwe enimenimochu.
  • Kopwe ekieki ekewe semirit. Epwe saro weires an ekewe semirit ar repwe awora onu fit nefiner, ina pwata masamas mask me tonueochu paw amen auchea. Chechemeni: ekewe semirit remi kukun seni 2 repwe masamas mask! ika pwe chochon omw ewe famini remi kukun seni 2 ier ika rese tongeni masamas mask, okukunu fansoun churi aramas ekewe rese mwo opwos ika kese sinei ika ra angei ika rese angei ewe opwos.
  • Awora fansoun chekin pochokun. Ika pwe mi wor emon a wor esisinen ewe semwen ren mwor, pwichikar ika weires an epwe ngasangas, non ewe 2 wiik. Eisini noum kewe wasona repwe katon ar tempuchu memwen repwe eto. Ion mi pwichikar—ika ion apwan wor ren ekoch esisinen ewe semwen ika ka sinei pwe rafen nomw ren ekewe ra urir ewe semwen ren COVID-19 non ewe 2 wiik a no—repwe chok nomwetiw non imw.
  • Repwe no chek. Ika mwo ra fen opwos ika rese mwo, ka tongeni okukunano an epwe wateno ewe semwen seni ar tes non ewe 72 awa memwen ewe fansoun kochufengen. Me non imw repwe akom awesa ar tes non ewe ranin chufengen.
  • Minanong ewe WA an epwe achema ngonuk non noum ewe fon. Ei epwe esinei ngonuk ika pwe ka uruk ewe semwenin COVID-19 me epwe esinei ngeni ekewe pwan ekoch ika pwe ka postitive. WA Notify ika pekin esinesin mi chok monomonono me ese sinei ika en ion ika sinei ian kopwe no ian.

Fansoun ewe emwicheich mi chok mwonomwonono

  • Kopwe masamas mask. Ika pwe oupwe chufengen non imw me ekewe aramas esap chochon non imwom we, mi pesepes pwe meinisin repwe masamas epwe pwonuno awer, chinon chok ika ekewe chon fiti ewe men rafen angei opwos. Awora ekoch mask ika pwe ekewe aramas ra monuki ar.
  • Tonu Poum. Ika pwe ese wor anen ar repwe tori ewe sink, awora totonun paw ika hand santizer.
  • Katoneoch epwe wor nefinen aramas resap etiepach. Ika mi tongeni epwe wor 6 fit nefiner, akaewin nefinen ekewe aramas epwe mecheres ar repwe angei ewe semwen ren COVID-19 ika ekewe rese mwo ounusa ar opwosun ewe semwen.
  • Epwe suk ekewe asam mwacho. Epwe chok suk ekewe asam mwacho ian aramas ra nomw ian pwe epwe enien ewe asepwan.
  • Nimenim. Epwe chok enimenim itetan memwen, nukanapan ika murin ewe kochufengen.

Murin ewe kochufengen mi mwonomwonono

  • Tonu poum (sefan). Tonu non ukukun 20 seken ngeni sopw me konik.
  • Sanitize. Nimeti meinisin neni ian noum kewe wasona ra atapa ian ren ekewe asen chepen, kaunter, sukun asam, ekewe minen pincho, ngeni sopw me konik akom, me murin ekewe chon enimenimaeochu.
  • Katoneoch ren ekewe esisinen ewe semwen. Ika pwe a wor ekewe esinsinen ewe semwen reom, kopwe mwitir chek, esinei ngeni ekoch ren ewe kochufengen ika pwe a wor postive ika chon uri nein ekewe chon fiti ewe mwich. kaeo waten metoch usun met kopwe fori ika pwe ka nomw nein mi urir.