O se Taiala mo Faapotopotoga Saogalemu Atu i le taimi o le KOVITI-19

Multilingual Resources

Pe ua tui puipuia pe leai, afai o loo e fuafua e faapotopoto ma uo ma aiga i lenei vaitau o le taumalulu, mafaufau po o le a se mea e mafai ona e faia e tausisia ai le saogalemu o oe ma latou e te alofa i ai mai i le KOVITI-19.

O le faia o tui o le auala lea e sili ona saogalemu e puipuia ai oe lava ma i latou o loo siomia oe, aemaise lava i latou e lei agavaa mo le faia o tui puipui. O tui e sili ona aoga i le puipuia mai ma'i tuga ma le oti, ae afai tou te fuafua e faapotopoto, pe ua tui pe leai, e i ai se lamatiaga o le faasalalauina o le faama'i o le KOVITI-19. O tui puipui, tali foliga, fufulu o lima, ma le nofo i le fale pe afai o e ma'i o laasaga uma ia e mafai ona e faia e fesoasoani ai e puipuia isi.

Faapotopotoga Faitele

I le faalauaitele, afai o faapotopoto i nofoaga faitele i le taimi lenei:

  • O le faia o tui o le auala sili lea e puipuia ai oe lava mai ma'i tuga, faataotolia i le falemai po o le oti ona o le KOVITI-19.
  • Fai le Ufi Foliga. Po o ua tui pe leai, o tagata e lima tausaga ma matutua atu, e manaomia ona faia ufi foliga i totonu o nofoaga faitele uma, ma mea e faia i fafo e i ai le 500 pe sili atu tagata, e pei o konaseti ma taaloga. Matou te fautuaina malosi tamaiti i le va o le 2 ma le 4 tausaga le matutua e tatau foi ona faia ufi foliga.
  • Nofo i le fale pe afai o loo e ma'i po o i ai ni auga.
  • Fuafua mamao. Ave oe lava i lau taavale pe ia i ai se isi auala e te alu ai i le fale pe a ono maua oe lava i se nofoaga lē saogalemu pe lē lelei, e pei o se pa e tumutumu i ai tagata e lē o faia ni ufi foliga.

Faapotopotoga Lē Faalauaitele

Ae e te lei talimalo i se faatasiga faaleagafesootai

  • Iloilo lau lisi o au malo. Mafaufau i tagata o loo e valaauliaina. Po o i ai ea ni tagata e ono maualuga le lamatiaga mo le KOVITI-19, e aofia ai tamaiti ia e le o agavaa mo tui? Pe e te iloa po ua fai tui o au malo pe leai? Afai e te le iloa, e taua lou fesili ina ia mafai ona fuafua tatau i ai.
  • Fuafua mamao.  Afai o loo tele ni aiga e lei faia tui, po o ni aiga e i ai tagata e lei faia tui o loo ogaoga le maualuga o le lamatiaga i le ma'i KOVITI-19, o le filifiliga sili ona saogalemu o le faapotopoto i luga o upega tafailagi. Afai tou te filifili e faapotopoto faaletino, ia e matua faamanino atu i uo ma aiga faapea o le a e matua faamuamua lava le saogalemu a o outou faatasitasi ai.  
  • Saogalemu o Femalagaaiga. Afai o loo e fuafua e malaga e faapotopoto ma aiga po o uo, faamolemole mulimuli i taiala mo femalagaaiga a le CDC.  Ia e iloa po o loo e malaga i se eria o loo maualuga ai le salalau o le KOVITI-19, ia e manao e te matua mataala i le faia o se ufi foliga ma ia 6 futu (2 mita) lou mamao mai i isi i nofoaga faitele.
  • Ave i fafo. E sili atu le saogalemu o faapotopotoga e faia i fafo nai lo totonu o fale. Afai e tatau lava ona i totonu o le fale, filifili se nofoaga e lelei le taamilo ai o le ea, e pei o se potu e tatala faamalama.
  • Tausisi i le laitiiti. O le laitiiti o le faapotopotoga o le lelei foi lena pe afai o loo faatasi ma tagata mai fafo atu o lou aiga. 
  • Ia faapuupuu.  O taimi pupuu e laitiiti ai foi le avanoa mo le salalau atu o le KOVITI-19. O faatasiga pupuu e faafaigofie ai foi ona lelei le faamamaina o lima ma luga o nofoaga.
  • Mafaufau i tamaiti. E ono faigata i tamaiti ona tausisia le ono futu e vava mamao ai, o le mea lea e taua ai le faia o ufi foliga ma le fufuluina o lima. Manatua: o tamaiti e i lalo o le 2 tausaga e le tatau lava ona faia ni ufi foliga! Afai o se tagata o lou aiga e laitiiti ifo nai lo le 2 tausaga pe e le mafai ona faia se ufi foliga, ia faatapulaaina faatasiga ma tagata e lei faia tui pe e le iloa le tulaga o o latou tui puipui.
  • Faia se siaki o le soifua maloloina. Fesili pe i ai se isi sa i ai ni auga e pei o le tale, fiva, utiuti le manava, i totonu o le 2 vaiaso talu ai. Talosagaina au malo e siaki lo latou vevela a o le i malaga mai. So o se tasi e i ai se fiva--po o e sa i ai isi auga pe iloa sa latalata i latou i se tasi o loo maua i le KOVITI-19 i totonu o le lua vaiaso talu ai--e tatau ona nofo i le fale.
  • Faia suesuega. Pe ua tui pe leai, e mafai ona e faaitiitia le lamatiaga o le faama'i pipisi e ala i le faia o suesuega i le 72 itula ao lei faapotopoto. E i ai suesuega e faia i le fale e mafai ona faamaea i le aso lava o le faatasiga. E tusa lava pe maua le suega e lē maua i le ma'i, e taua lava le mulimulitaia o isi puipuiga malu o loo faasoa atu i le itulau lenei.  
  • Faaopoopo le WA Notify i lau telefoni. O lea mea o le a faailoa atu ia te oe pe afai sa e ono aafia i le KOVITI-19 ma faailoa faalilolilo atu foi i isi pe afai e maua lau suega e te maua i le ma'i. O le WA Notify e matua faalilolilo lava ma na te le iloaina po o ai oe pe siakia foi le mea e te alu i ai.

I le taimi o se faatasiga lē faalauaitele

  • Faia ufi foliga. Afai o loo outou faapotopoto i totonu o le fale faatasi ma tagata ese mai lou aiga, ua fautuaina e tatau i tagata uma ona faia ufi foliga, vagana ai o le tele o tagata auai ua maea atoatoa o latou tui. Ia i ai se faasiliga o ufi foliga iina pe afai e galo ufi foliga a tagata.   
  • Fufulu lima. Afai e leai se avanoa i se paipa i se faatanoa, ia saunia se fagu e i ai le vailaau faamama lima.
  • Vaai le vava mamao ma ia tapulaa le felata'i tele. I le mea e mafai ai, ia tumau i le 6 futu le vava mamao, aemaise lava mai tagata e ogaoga le maualuga o le lamatiaga i le KOVITI-19 po o latou e lei maea tui puipui.  
  • Tatala faamalama. Ia tatala pea faamalama i potu o le a faapotopoto ai tagata ina ia maua ai le fegasoloai lelei o le ea.
  • Faamama. Ia faamama soo luga o nofoaga e faaaoga soo ao lei faapotopoto, i le taimi e faapotopoto ai, ma le maea o le faapotopotoga.

Pe a maea se faapotopotoga e lē faalauaitele

  • (Toe) fufulu lima. Fufulu mo le 20 sekone i le fasimoli ma le vai.
  • Faamama. Faamama luga o nofoaga uma sa ono tagofia e malo e pei o luga o laulau, fata, au o faitotoa, ma le faleleta'ua, i le fasimoli ma le vai muamua, ona faaaoga lea o se vailaau faamama.
  • Vaavaai mo auga. Afai e te lagonaina ni auga, ia faia se suesuega. Faailoa atu i isi i le faatasiga pe afai ua i ai lava se tagata o auai ua maua lana suesuega e maua i le ma'i. Aoao atili e uiga i le mea e fai pe afai ua aafia oe.