KOVITI-19(novela koronavairusi)- Fa’amatalaga, ‘auaunaga, ma puna’oa i totonu o le Setete o Uosigitone

Laina Fesoasoani COVID-19: Fesoasoani mo tagata faigaluega, atofaina o tui ma nisi

A iai ni au fesili e uiga i le COVID-19 pe mana'omia se fesoasoani i le atofaina o sou tui, faamolemole vili le 1-800-525-0127 ma oomi le #. A tali mai, ta'u lau gagana ina ia e maua ai 'auaunaga fa'aliliu gagana. E tatala i aso uma le laina ma ona itula faatulagaina o lo'o lisiina i le uepisite a le Department of Health (na'o le gagana Igilisi).

Lipoti se soligatulafono i pisinisi

O pisinisi e manaʻomia le faʻaaogaina o fua faatatau o le soifua maloloina ma le saogalemu mo tagata faigaluega ma tagata faʻatau. Afai e te fia mana'o e lipoti se solitulafono, faamolemole vili le numera o le laina fesoasoani o le COVID-19 o i luga mo se fesoasoani i lau gagana. O le a fai atu e se tasi ni fesili ia te oe e uiga i solitulafono ma tuuina atu se fa'aseā mo oe. E lē mana'omia fua ona faailoa lou igoa poo faamatalaga o feso'ota'iga ina ia tuuina atu ai se fa'aseā

E mafai fo'i ona faila se fa'aseā i le Igilisi i luga o le itulau o le Lipoti Solitulafono o le COVID-19.

Faamolemole ia manatua afai e aumai lou igoa poo faamatalaga o feso'ota'iga, e mafai ona fa'ailoa pe afai e iai se tasi e talosaga i faamaumauga lautele mo lena faamtalaga. O Faamaumauga o lo'o faamatala i totonu o le Fa'aaliga Faailoilo a le kovana (na'o le Igillisi) o le a tatalaina atu e pei ona mana'omia i lalo o le tulafono a le setete Tulafono Faamaumauga Lautele, RCW 42.56.

O nisi fesoasoani mo tagata faigaluega, pisinisi ma faalapotopotoga

I le fa'aaogaina ina ai o 'auaunaga fa'aliliu gagana, e mafai e le laina fesoasoani ona faasino oe i ta'iala lautele ma puna'oa. E mafai fo'i ona latou fesoasoani ia te oe i le faatumuina o le pepa o Fesili a Pisinisi ma Tagata Faigaluega o le COVID-19 pe afai o iai lava ni fesili. O le a talosagaina faamatalaga o feso'ota'iga ina ia mafai ona e maua se tali.

Tui Puipui Vairusi Korona (COVID-19)

E maua fesoasoani i gagana Mo nisi faamatalaga e uiga i tuipuipui COVID-19, faamolemole asiasi la matou itulau Tuipuipui COVID-19.

WA Porokalame o telefoni atamai e faailoa ai pe ua e feutaga'i ma se tagata ma'i

Afai o loo e fia malamalama atili i le WA Notify, atoa ai ma le auala e faaopopo atu ai i lau telefoni feaveai, asiasi i le WANotify.org

Puna’oa Feso’ota’i i Galuega ma Pisinisi

Penefiti o Tagata Lē Faigaluega

Afai ua le toe maua lau galuega, e mafai ona e agava’a i penefiti o tagata lē faigaluega. Afai e te mana’omia fa’amatalaga pe fa’apefea ona fa’atumu lau talosaga mo le penefiti o tagata lē faigaluega, e mafai ona e vili i le 1-800-318-6022. Afai e tali mai, fa’ailoa lau gagana e mafai ai ona e fa’aaogāina ai ‘auaunaga fa’aliliu.

Tagata Faigaluega ma Tagata Faipisinisi

E tele le a’afiaga o le fa’ama’i o le koronavairusi i le selau o afe o tagata faigaluega ma falefaigaluega i totonu o le tatou setete.

Ina ia malupuipuia tagata faigaluega, e mana’omia e fale faigaluega ona:

  • A’oa’oina o latou tagata faigaluega i āuga ma foliga va’aia o le KOVITI-19 i le gagana latou te malamalama ai.
  • Fa’atino se fuafuaga o le tausisia o le vavamamao.
  • Fa’atino le fa’amama ma le fa’availaauina.
  • Fa’amautinoa le auala talafeagai i le fufuluina o lima.
  • Ia mautinoa le nonofo o tagata faigaluega e mama’i i le fale.

Tali i fesili masani e uiga ile totogi a o ma'i, totogi o 'aufaigaluega ua lavea ile galuega ma se aotelega o mana'oga saogalemu ile fale faigaluega e maua mai le Department of Labor & Industries i gagana eseese.

A iai ni ou popolega i le saogālemū o lou fale faigaluega, e mafai na fai sau fa’aseā i le vili sa’o le Department of Labor & Industries i le 800-423-7233. E avanoa iai fa’aliliu upu i luga o le telefoni.

Afai e iai ni fesili aga’i lau pisinisi ma tagata faigaluega i le taimi o le KOVITI-19, e mafai ona e vili le Matagaluega o Puipuiga o Galuega i le 855-829-9243.

Puna’oa o le Tausi Soifua Maloloina ma Inisiua

E te ono agava’a i se inisiua soifua maloloina aunoa ma se totogi pe la’ititi fo’i. Vili le Health Care Authority i le 1-855-923-4633. Afai e tali mai, fa’ailoa lau gagana e mafai ai ona e fa’aaogāina ai ‘auaunaga fa’aliliu.

O le Inisiua Alien Emergency Medical (AEM) o se polokalama mo tagata o lo’o iai o latou gasegase e mana’omia ai ni togafitiga fa’afuase’i ma e le fetaui tulaga tagatanuu po’o tagata faimalaga mai, po’o tagata agava’a e le’i ausia le 5 tausaga o le pa.

O le Laina Fesoasoani The Help Me Grow a Uosigitone i le 1-800-322-2588 e mafai ai ona fa’ailoa polokalama ma ‘auaunaga a le soifua maloloina eseese e te agava’a ai ma fesoasoani atu ia te oe i lau talosaga. E aofia ai le :

  • WIC (Polokalame o Meataumafa mo Tama’ita’i, Pepe ma Tamaiti)
  • Insiua Soifua Maloloina mo tamaiti, fafine ma’itaga ma tagata matutua
  • Aiga Fuafuaina e ala i le Polokalame a le Take Charge
  • Falema’i o Soifua Maloloina ma Aiga Fuafuaina.
  • Ma’itaga ma sapalai a le pepe
  • Lagolago i le Fa’asusu
  • E iai fo’i a latou polokame o mea taumafa ma puna’oa.
Fa’amatalaga o Tagata Fai Mai ma Tagata Sulufa’i

Le Office of Immigrant and Refugee Affairs (OIRA) e fesoasoani i tagata mai isi atunu'u e malamalama ai faamatalaga taua e uiga ile KOVITI-19 ma popolega o tagata mai isi atunu'u. O nisi mea tāua mo le silafia:

  • O falema’i e lē fa’atagaina ona fa’asoa atu tulaga tau sitiseni po o tagata fai mai I le ICE.
  • Pe a siakiina mo le Koviti-19 ma le mauaina o ni paū po’o ni mealofa e siaki ai e le afaina ai lou avanoa e te talosaga mo se pepa lanu meamata po o le sitiseni.
  • E te le mana’omia se pepa aloa’ia o le numera mo le saogalemū e te talosaga ai mo penefiti a tagata e lē faigaluega. A mana’omia se fesoasoani i le mauaina o le penefiti a le au lē faigaluega vili le 1-800-318-6022.
  • O le mauaina o le penefiti a le au lē faigaluega e lē a’afia ai lou agava’a e talosaga mo le pepa lanu meamata po o le sistiseni I lalo o tulafono o penefiti.
  • E te ono agava’a mo le Washington State Paid Family and Medical Leave e tausia ai se isi o ma’i i le Koviti-19 po o le vaaia o oe lava pe afai o e a’afia i le vairusi. E te lē mana’omia se pepa o le numera mo le saogalemū e mauaina ai lea penefiti. E talia e le ESD le tele o ituaiga o pepa.
  • Afai o oe o se faipisinisi o lo'o sailia se fesoasoani, o lou apalai mo se tupe nono faanatinati mai le Federal Small Business Administration (Faipule Fetorale o Tama'i Pisinisi) e le aafia ai lou taumafai e maua se faailoga nofo mau po'o lou lanu.

E fautuaina e le Office of Immigrant and Refugee Affairs (OIRA) afai o e le mautonu i lou tulaga po o le tulaga a se tagata o lou aiga, po o ou penefiti, fesoota'i se loia mo tulaga sitiseni, ofisa o tulaga sitiseni, poo se sui ua faatagaina e le Department of Justice (Vaega o Faamasinotonu) (DOJ). E te ono mafai ona maua se loia mai le American Immigration Lawyers Association (American Tuufaatasiga o Loia mo mataupu Sitiseni), pe asiasi ile uepesite a le faalapotopotoga faatagaina e le DOJ.

E iai polokalame a le OIRA e fesoasoani i tagata sulufa’i ma tagata ulufale mai i:

  • A’oa’oga i le sailiga o galuega.
  • Lagolago i matāupu tau femalagaiga mai fafo.
  • Faia’oga mo le tupulaga.
  • Lagolago mo le au sulufa’i matutua, tamaiti, tamaiti a’oga, ma isi.
  • Polokalame masani e faia i tua i le taimi o le KOVITI-19. Ua iai ‘auaunaga fou a le ofisa e fesoasoani ai ia oe mo le talosaga i galuega poo le lē faigaluega, lagolago i au a’oa’oga, ma ofoina atu le fesoasoani i fale. O fesoasoani tau tupe mo tagata sulufa’i ma fesoasoani mo le soifua maloloina ua toe tolo atu ia Setema 30, 2020.
  • Mo auaunaga ma fa’amatalaga atili, vili le 360-890-0691.

Mo fesili i aiā tatau a tagata ulufale mai, o le mauaina o le mauaina o le fesoasoani mo tagata o lou aiga/uo na taofia ma isi fa’amatalaga, e mafai ona e feso’ota’i le laina tu’usa’o a le Laina fesoasoani a le Washington Immigrant Solidarity Network i le 1 844 724-3737. E iai fa’aliliu upu i luga o le telefoni.

Soifual Maloloina o le Mafaufau ma Lagona

O le taimi o mafatiaga. O le masani lava ia te oe ma tagata o lou aiga le lagonaina le popole, fa’anoanoa, fefe poo le ita. E le na o oe. Fa’amata e tatau ona saili atu pe fesili mo se fesoasoani.

E eseese uma auala a tagata e tali atu ai i mafatiaga ma tulaga faigatā. O le mea tāua o lou vaaia lelei o oe lava ia, o lou aiga ma le lautele i le mafaia e te mafai ai.

O leā e fesoasoani ia oe e fesāga’i ma taimi faigatā? Na e aapa atu ma toe feso’ota’i ma aiga ma uo? Atonu o le manava umi i totonu ma falō, fa’amalositino po o le moe lelei? O le fa’aavanoa o le taimi e fa’amuamua ai le tausia lelei o oe lava ia, po o leā lava sau vaaiga iai, e fesoasoani e fa’aititia ai mafatiaga.

Afai o lo’o e iai i se tulaga faigatā ma e mana’omia ona talanoa i se isi mo ni fautuaga, e iai auala e te filifili ai.

  • O le Disaster Distress Helpline e ofoina vave auaunaga faufautua mo tagata o lo o mafatia feso’ota’i so’o se fa’alavelave fa’alenatura po o fa’alavelave e mafua mai i tagata fa’atupu fa’alavelave Vili le 1-800-985-5990. Afai e tali mai, fa’ailoa lau gagana e mafai ai ona e fa’aaogāina ai ‘auaunaga fa’aliliu. O le laina fesoasoani e avanoa i le 24 itulā i aso uma.
  • Crisis Connections e iai le latou laina mo le 24 itulā e ofoina le fesoasoani vave mo tagata ta’ito’atasi, aiga, ma uo a tagata o lo’o iai mafatiaga. E tautua mo tagata e nonofo i le itumalo o King. E avanoa auaunaga fa’aliliu. Vile le 1-866-427-4747.
  • National Suicide Prevention Lifeline e ofoina puipuiga ma auaunaga i faigatā mo tagata o lo’o mafaufau e pule i o latou ola. E mafai e tagata o lou aiga ona viliina le Lifeline mo ni auaunaga e fsoasoani ai i latou aiga ma uo. Vili le 1-800-273-8255. O lea laina fesoasoani e avanoa mo le 24 itulā i le aso, 7 aso o le vaiaso. E iai le laina fesoasoani fa’apitoa mo i latou sa auauna i le malō. Vili le 1-800-273-8255 ona oomi lea o le 1. Afai e te logonoa ma faigata ona e lagonaina se mea, vili le 1-800-799-4889.
Meaai Taumafa

Afai e iai sou alo e 18 tausaga pe la’ititi ifo e mafai ona maua latou meaai fua mai I a’oga. O tagata matutua e iai manaoga fa’apitoa o lo’o lesitala i polokalame tua a’oa’oga e agava’a fo’i i meaai a a’oga. E tele ina tufa atu nei meaai i nofoaga e i fafo o a’oga e pei o fale fa’atali pasi. Fa’afeso’ota’i a’oga a lou itumalō pe latou te ofoina meaai fua.

Mo i latou o ma’itaga, o tinā fou ma tamaiti e i lalo o le lima tausaga, e ono mafai ona maua meaai e auala mai le polokalame a le Department of Health’s Tamaita’i, Pepe ma Tamaiti (WIC). Mo fesoasoani i le gagana, vili le 1-866-632-9992.

O fa’alapotopotoga e tufatufaina meaai e ono suia o latou taimi po o le tapunia fo’i mo le pikiina o meaai ona o le fa’aopopoina o le mana’oga i meaai i le tiami o le Koviti-19. Fa’amolemole vili muamua ae e te le’i alu. Northwest Harvest o se fa’alapototoga tufa meaai i le setete atoa. Tusi le igoa o lou aai i le pusa i le agavale o le pusa lanu meamata i lenei upega tafāilagi.

Afai e te nofo i Uosigitone i Sasaē e mafai ona e maua le lisi o fa’alapotopotoga e tufaina meaai i Second Harvest. Filifili se itumalo i lenei uepisite mo le lisi o meaai tufaina atu i totonu o le tou nofoaga.

Faailoga mo penefit o meataumafa faavaeina

O faailoga mo penefiti o meataumafa faavaeina (EBT) e mafai ona faaaoga e faatau ai meataumafa ma e avanoa mo le tele o tagata. E mafai e sitiseni ole Iunaite Satete ona apalai mo nei penefiti ile itulau mo Meataumafa Faavae Department of Social and Health Services (ile upega tafa'ilagi ole Vaega Faaletagata ma Tautua i Soifuaga) a le Satete o Washington (DSHS).

Faailoga: A o faagasolo lenei tulaga faigata ua taofia e le malo fetorale le mana'oga mo galuega sa tatau ona faia e nisi tagata matutua. Ae peita'i, e manaomia e le malo fetorale ona avea oe o se sitiseni ole Iunaite Satete ina ia agavaa mo nei penefiti.

O tama'i tusi faailoa pei ona faamatalaina i luga e mafai ona mauaina e le tele o tagata e le o ni sitiseni ae ua ausia ai isi uma mana'oga ole porokalame. E mafai ona e apalai mo nei penefiti ile DSHS Porokalame Fesoasoani a le Satete mo Meataumafa (e na o le Faapalagi).

Fa’amatalaga ma Puna’oa mo Aiga

O se taimi mafatia lenei mo le aiga atoa. O nisi nei o manatu i le fa’afoeina o lenei tulaga ma lau fanau:

Ia fai talanoaga fa’alēaiga i se nofoaga lelei ma ia fa’amalosi ‘au i tagata o aiga ina ia fai ni fesili. E fautuaina le fai ese o talanoaga ma le fanau laiti ina ia mafai ai ona latou fa’aaogāina le gagana latou te malamalama ai ma talanoaina ai ni mea o lo’o fefefe ai ma sese.

E ui ina mana’omia pea le taulogologo, ae ia fa’aititia pea le fa’ailoa atu i ala o fasalalauga po’o le agafeso’ota’i i luga o le upega tafa’ilagi e ono mafai ai ona fa’aoso ai le fefe ma le popole. Ia mataala fa’apitoa (ma fa’atapula’a) po’o le a le tele o le fa’asalalauga poo le taimi agafeso’ota’i ai lau fanau e uiga i le fa’ma’i.

Ia alu lou mafaufau i le lagolagoina o tamaiti e ala lea i le fa’amalosia o fesili ma fesoasoani iai latou ia malamalama i mea o tutupu i lenei taimi.

  • Talanoa agai o latou fa’alogona ma talia i latou.
  • Fesoasoani iai latou ina ia fa’aali o latou lagona e ala i tusiga ata po’o isi gaioiga fa’atino.
  • Fa’amanino ia fa’amatalaga sese po’o le lē malamalama pe faapefea ona pipisi le siama ma e le’o fa’ama’i uma o le alaea o le novela koronavairusi e mafua ai le KOVITI-19.
  • Avatu fa’amafanafanga ma maua le onosa’i.
  • Toe siaki lau fanau i taimi uma po’o taimi ua iai ni suiga.
  • I tausia pea le taimi fa’atulagaina a le tou aiga pe a o’o i le taimi e momoe ai, aai ai, ma faia fa’amalositino.
  • Fai se taimi e fai ai tulaga fiafia i le fale e fa’afiafiaina ai oe ma lou aiga mai tulaga o mafatiaga, e pei o le faitau, matamata ata tifaga, fa’alogo i le musika, ta’alo ta’aloga, fa’amalositino, poo ni fa’atinoga fa’alētapua’iga( tatalo, auai i tapua’iga i luga o le upega tafa’ilagi).
  • Ia iloa o fa’alogona e pei o le tu’ua to’atasi, lē fiafia, fefe i a’afia i fa’ama’i, popole, mafatia, ma le matafefe o fa’alogona masani ia i tulaga mafatia e pei o le fa’ama’i.
  • Fesoasoani i lou aiga ina ia auai i gaioiga malie ma le anoa ma ia faifaipea ma lou aiga ma a’oa’oga fa’aleaganuu.
Fa’aopopoga o Puna’oa ma Fa’amatalaga

Washington State Commission on Asian Pacific American Affairs (CAPAA)