COVID-19 (xudunta karoonafayras) – Macluumaadka, Adeegyada, iyo khayraadka Gobolka Washington

COVID-19 Khadka

Hadii aad wax su'aala ka qabtid COVID-19, fadlan wac 1-800-525-0127 oo taabo #. Markay ka jawaabaan, sheeg luuqadaada si aad u heshid adeegyada turjumaada. Khadku wuxuu furan yahay laga bilaabo 6 a.m. ilaa 10 p.m. Isniinta-Jimcaha iyo 8 a.m.-6 p.m. Sabtida-Axada.

Washington State Commission on Asian Pacific American Affairs (CAPAA)

Sidee ayaan WA Notify ugu shubayaa taleefankayga?

Markaad isticmaalayso iPhone, ka fur Ogaysiisyada Qaadista caabuqa qaybta Settings (sitinka):

-    Gal Settings
-    Hoos u dooro Ogaysiisyada Qaadista Caabuqa
-    Guji “Turn On Exposure Notifications (Fur Ogaysiisyada Qaadista Caabuqa)”
-    Dooro United States (Maraykanka)
-    Dooro Washington

Markaad isticmaalayso Android:

-    gal kaydka Google Play Store
-    Soo degso abka Ogaysiisyada Qaadista Caabuqa ee Washington (WA Notify)

Waa maxay Ogaysiisyada Qaadista Caabuqa ee Washington?

Image
SIDEE WA WAAYAHA SHARCIYADA

 

 

 

Washington Exposure Notifications (Ogaysiisyada Qaadista Caabuqa ee Washington) (oo sidoo kale loo yaqaano Aalada Ogeysiisyada WA (Wa Notify)) waa aalad ku shaqaysa taleefannada casriga ah, adoon la wadaagin xogtaada shaqsiga ah, si aad ugu digto isticmaalayaasha kale haddii laga yaabo inay la joogeen dad qaba caabuqa COVID-19.  Gabi ahaanba waa mid qarsoodi ah, mana taqaano qofka aad tahay iyo meesha aad aadayso.

Sidee ayay u shaqaysaa?

Markaad furato WA Notify, taleefankaaga ayaa la wadaagaaya koodhadh isku dhafan, oo qarsoodi ah taleefannada dadka kuu dhawdhaw ee ay sidoo kale u furan tahay aalada WA Notify. Abku wuxuu adeegsadaa tignooloojiyada Bluetooth Low Energy (BLE, Bluetoothka Aan Tamarta Badan U baahnayn) si uu taleefanada iskaga gudbiyo koodhadhkaan iskudhafan asagoon cidna tusin wax xog ah oo kugu saabsan. Haddii qof kale oo isticmaala WA Notify oo kuu dhawaa labadii asbuuc ee lasoo dhaafay gudahood xili danbana laga helo caabuqa COVID-19 uuna koodhikiisa xaqiijinta gasho abka, waxaad heli doontaa ogaysiis qarsoodi ah oo kuu sheegaayo in laga yaabo inaad caabuqa qaaday. Tani waxay kuu sahlaysaa inaad hesho daryeelka aad u baahan tahay si dhakhso ah waxayna gacan ka gaysanaysaa kahortaga inaad caabuqa COVID-19 qaadsiiso dadka kale ee kuu dhawdhaw.

Sidee ayay ii caawinaysaa?

Daraasaad ayaa lagu oggaaday in hadba intay badan yihiin dadka adeegsada ogaysiiska qaadista caabuqu, ay sii kordhinayso faa'iidada aalada. Tijaabooyin laga qaaday saddex degmo oo katirsan Gobalka Washington ayaa muujinaaya in haddii tiro yar oo dadka kamid ah ay isticmaalaan WA Notify ay yarayn doonto caabuqa iyo dhimashada. Si lamid ah xirashada maaskarooyinka, kala fogaanshaha iyo yaraynta dadka isku imaanaaya, WA Notify waa qalab kale oo gacan ka gaysanaaya kahortaga faafida COVID-19.

Sidee ayaa loo difaacayaa sirtayda?

WA Notify waxaa lagu dhisay tignooloojiyada Ogaysiiska Qaadista Caabuqa oo ay sameeyeen Google iyo Apple, taasoo loogu talagalay in lagu difaaco xogta isticmaalaha. Nidaamku marna ma aruursho ama lama wadaago xogta goobta ama xogta shaqsiga ah shirkada Google, Apple, Washington State Department of Health (DOH, Waaxda Gobalka Washington uqaabilsan Caafimaadka), ama isticmaalayaasha kale. Ka qaybgalkaagu waa ikhtiyaari gabi ahaanba. Isticmaalayaashu waxay ka qaybgeli karaan ama ka bixi karaan aalada markay doonaan.

Maxay Washington u dooratay aaladaan?

Washington waxaa u dhisan kooxda kor joogtaynta, ayna ku jiraan khubarada ammaanka iyo adeegyada madaniga ah iyo xubno kasocda bulshooyinka kaladuwan, si ay dib u eegis ugu sameeyaan aaladaan Apple/Google. Kooxda ayaa ku talisay in aalada la dhaqan gasho ayadoo laga eegaayo waxtarka la xaqiijiyay ee aalada, difaaca adag ee xogta iyo inay gobalada kale adeegsad

Su'aalaha Badanaa La iska waydiiyo (FAQ) Ogaysiisyada Qaadista Caabuqa

1.    Ma qasab baa inaan Oggolaado isticmaalka WA Notify?

Haa. WA Notify waa lacag la'aan waana ikhtiyaari. Waad ka saari kartaa aaladaada markaad doonto. Kaliya dami aalada ama iska tir abka. Dhammaan koodhadhka iskudhafan ee taleefanku kaydiyo ee ka yimaada isticmaalayaasha kale ee kuu dhawaa ayaa la tiri doonaa dibna uma arki kartid.

2.    Aalada WA Notify ma ab dabagal ku sameeyaa dadka kula joogay ee caabuqa laga helay?

Maya. Dabagalka dadka kula joogay ee caabuqa laga helay waxaa lagu aqoonsadaa qofka uu yahay shaqsiga la joogay qofka caabuqa COVID-19 laga helay. WA Notify ma qoro ama ma dabagalo xogta ku saabsan dadka aad la joogtay, marka ma sameeyo "dabagalka dadka la joogay qofka caabuqa qaba." Abku ma aruuriyo ama ma gudbiyo wax xog shaqsi ah, marka suuragal uma ahan cidna inay ogaato qofka aad tahay iyo cidda aad la joogtay.

3.    Waa maxay "qaadista caabuqu"?

Qadista caabuqa ayaa timaada marka aad waqti badan ag joogtay qof kale oo isticmaala WA Notify kaasoo mar danbe laga helo COVID-19. Tani waxay waafaqsan tahay tilmaanta hadda jirta ee kasoo baxday CDC oo ku saabsan kala fogaanshaha iyo gudbinta caabuqa COVID-19.

4.    Maxaa dhacaaya haddii WA Notify ii sheegto in laga yaabo inaan caabuqa qaaday?

Haddii WA Notify ay ogaato in laga yaabo inaad qaaday caabuqa, ogaysiis kuugusoo dhacaaya taleefankaaga ayaa kugu hagaaya webseet aad ka helayso xog ku saabsan waxa ay tahay inaad samayso tallaabada xigta. Tan waxaa ku jira sida iyo meesha aad iska baarayso, xog ku saabsan dhawrista badqabka adigga iyo dadka kula jooga, iyo xog ka jawaabaysa su'aalahaaga. Waa muhiim inaad akhrido aadna raacdo tilmaamaha ku qoran webseetka si taxadar leh.

5.    Sidee ayaa loo difaacayaa sirtayda?

WA Notify waxaa lagu dhisay tignooloojiyada Ogaysiiska Qaadista Caabuqa oo ay sameeyeen Google iyo Apple, taasoo loogu talagalay in lagu difaaco xogta isticmaalaha. Nidaamku marna ma aruuriyo ama lama wadaago xogta goobta ama xogta shaqsiga ah shirkada Google, Apple, Washington State Department of Health (DOH, Waaxda Gobalka Washington uqaabilsan Caafimaadka), ama isticmaalayaasha kale. Ka qaybgalkaagu waa ikhtiyaari gabi ahaanba. Isticmaalayaashu waxay ka qaybgeli karaan ama ka bixi karaan aalada markay doonaan. Wixii xog dheeraad ah oo ku saabsan sida loo ilaalinaayo sirta isticmaalaha, ka fiiri xeerka xogta sirta ah ee Ogaysiisyada Qaadista Caabuqa ee WA.

6.    Dadku ma ogaan doonaan haddii la iga helo COVID-19?

Maya. WA Notify cidna lama wadaago xog adigga kugu saabsan. Marka qof helo ogaysiis ku aadan qaadista caabuqa, wuxuu kaliya ogaan doonaa in qof uu la joogay 14 maalmood ee lasoo dhaafay laga helay COVID-19. Ma uu ogaan doono cidda qofku ahaa iyo meesha ay iskula joogeen.

7.    Ma lacag ayaa la iiga rabaa WA Notify?

Maya. WA Notify waa lacag la'aan.

8.    Sidee ayay aalada WA Notify u caawinaysaa gobalka Washington?

Daraasaad ayaa lagu oggaaday in hadba intay badan yihiin dadka adeegsada ogaysiiska qaadista caabuqu, ay sii kordhinayso faa'iidada aalada. Xogta tijaabooyin laga qaaday saddex degmo oo katirsan Gobalka Washington ayaa muujinaaya in haddii tiro yar oo dadka kamid ah ay isticmaalaan WA Notify ay yarayn doonto caabuqa COVID-19 iyo dhimashada. Si lamid ah xirashada maaskarooyinka, kala fogaanshaha iyo yareynta dadka isku imaanaaya, WA Notify waa qalab kale oo wax u taraaya kahortaga faafida COVID-19.

9.    WA Notify ma shaqaynaysaa haddii aan u safro meel ka baxsan gobalka?

Haa. Haddii aad u socdaasho gobal leh ab ku shaqeeya tignooloojiyadaha Apple/Google, taleefankaaga ayaa sii wadaaya inuu taleefanada isticmaalayaasha kale ee gobalkaas la wadaago koodhadhka isku dhafan. Ma jirto baahi ah inaad wax ka badasho settings ka abkaaga. Haddii aad ka maqnaato Washington muddo badan, waa inaad hubisaa dookhyada kuu furan ee gobalkaaga cusub si aad u hesho taageerada iyo digniinaha maxaliga ah.

10.    Maxaan ugu baahanahay labadaba dabagalka dadka la joogay qofka caabuqa qaba iyo abka WA Notify?

Dabagalka dadka la joogay qofka qaba caabuqa ayaa ahayd talaabo caafimaadka bulshada oo waxtar lahayd tobanaan sano. WA Notify waxay si qarsoodi ah u taageeraysaa shaqadaan. Waa kan tusaale: Haddii lagaa helo COVID-19, Saraakiisha caafimaadka dadwaynaha ayaa kusoo wici kara kuna waydiin kara dadka dhawaan kula joogay. Ma magacaabi kartid qof aadan aqoon oo aad baska is ag fadhideen. Haddii labadiinuba aad isticmaashaan WA Notify, qofka kuu dhawaa ee baska saaran ayaa helaaya digniin qarsoodi ah oo ku aadan inuu caabuqa qaadi karo kadibna wuxuu qaadayaa tallaabooyin si uu uga hortago faafinta caabuqa COVID-19 si aanu ugu ridin saaxiibadiis eheladiisa sida farxalka iyo xirashada maaskarada mid kasta ayaa ka caawinaaya yaraynta faafida COVID-19, si wadajir ah ayay waxtar badan ku leeyihiin.

11.    Muddo intee le'eg ayuu abka WA Notify ku qaataa ogaysiinta dadka kale ee isticmaala?

Isticmaale laga yaabo inuu la joogay qof qaba COVID-19 oo isticmaalaha abka ayaa heli doona ogaysiiska 24 saacadood gudahood kadib marka qofka isticmaalaha ah ee laga helay COVID uu gasho koodhkiisa xaqiijinta aalada WA Notify.

12.    Ma suurtagal baa inaan helo dhawr digniinood oo ay iisoo dirto WA Notify?

Haa, isticmaalayaasha laga yaabo inay caabuqa qaadeen marar badan ayaa heli doona ogaysiiska mar kasta oo ay la joogeen qof caabuqa qaba.

13.    Sidee ayaan ugu sheegayaa WA Notify haddii markaas la iga helay COVID?

Haddii caabuqa lagaa helo waaxda caafimaadka bulshaduna kulasoo xariirto, waxay ku waydiin doonaan inaad isticmaasho WA Notify.  Haddii aad isticmaasho, waxay kuu samayn doonaan koodhka xaqiijinta waxayna kaa caawin doonaan inaad geliso WA Notify. Koodhkaan wuxuu ku xariirsan yahay xogtaada shaqsiga ah. Waaxda caafimaadka dadwaynuhu sinaba uma awoodo inay ogaato cidda abku u sheegaayo inay qof caabuqa qaba la joogeen marka aad geliso koodhkaaga. Ogaysiiska kuma jirayaan xog kasta oo kugu saabsan. Hadba intay bataan dadka koodhkooda la wadaaga aalada, ayay sii kordhaysaa awoodeena kahortaga faafida COVID-19.

14.    Ma jiraa wax aan u baahanahay inaan sameeyo kadib markaan ku daro WA Notify taleefankayga?

Talaabo dheeraad ah waxaa kaliya lagaa rabaa haddii:
1.    Lagaa helay COVID-19, ama
2.    Aad hesho ogaysiiska ah inaad la joogtay qof caabuqa qaba.

Haddii caabuqa lagaa helo, waaxda caafimaadka bulshaduna kulasoo xariirto, waxay ku waydiin doonaan inaad isticmaasho WA Notify. Haddii aad isticmaasho, waxay kuu samayn doonaan koodhka xaqiijinta waxayna kaa caawin doonaan inaad geliso WA Notify. Koodhkaan wuxuu ku xariirsan yahay xogtaada shaqsiga ah. Waaxda caafimaadka dadwaynuhu sinaba uma awoodo inay ogaato cidda abku u sheegaayo inay qof caabuqa qaba la joogeen marka aad geliso koodhkaaga. Ogaysiiska kuma jirayaan xog kasta oo kugu saabsan. Hadba intay bataan dadka koodhkooda la wadaaga aalada, ayay sii kordhaysaa awoodeena kahortaga faafida COVID-19.

Haddii WA Notify ay ogaato in laga yaabo inaad qaaday caabuqa, ogaysiis kuugusoo dhacaaya taleefankaaga ayaa kugu hagaaya webseet aad ka helayso xog ku saabsan waxa ay tahay inaad samayso tallaabada xigta. Tan waxaa ku jira sida iyo meesha aad iska baarayso, xog ku saabsan dhawrista badqabka adigga iyo dadka kula jooga, iyo xog ka jawaabaysa su'aalahaaga. Waa muhiim inaad akhrido aadna raacdo tilmaamaha ku qoran webseetka si taxadar leh. Ogaysiiska kuma jirayaan xog ku saabsan cidda caabuqa ku qaadsiin kartay ama meesha. Gabi ahaanba waa mid qarsoodi ah.

15.    Hadaan isticmaalo WA Notify ma dhuuqaysaa dabka taleefankayga ama khadka interneetka simikaarka?

Maya. Waxaa loo sameeyay inay saamayn yar ku yeelato khadkaaga interneetka iyo dabka taleefankaaga ayadoo isticmaasha tignooloojiyada Bluetooth Low Energy.

16.    Ma u baahanahay inaan mar kasta daaro Bluetooth ka si WA Notify u shaqeeyo?

Haa. WA Notify waxay adeegsataa Bluetooth Low Energy, marka Bluetooth ku waa inuu markasta u furnaadaa si aaladu usoo qabato dadka kale ee kuusoo dhawaada.

17.    Ma qasab baa inaan aalada WA Notify u furo taleefankayga si ay u shaqayso?

Maya. WA Notify wuxuu ku shaqayn doonaa maskaxda taleefankaaga.

18.    Sidee ayuu abka WA Notify uga hortagaa soo tabinta warbixinada baaritaanka beenta ah?

WA Notify wuxuu ka doonayaa isticmaalayaasha inay xaqiijiyaan baaritaannada laga helay ayagoo adeegsanaaya koodhka xaqiijinta kaasoo ay bixiyaan saraakiisha caafimaadka dadwaynaha. Koodhku wax xariir ah lama lahan xogta shaqsiga ah ee qofka. Kadib markaad koodhka geliso, WA Notify ayaa iswafajinaaya koodhadhka kaladuwan ee isticmaalayaasha kaa agdhawaa una sheegaaya suuragalnimada inay caabuqa qaadeen. Ogaysiiska kuma jirayaan xog ku saabsan cidda caabuqa qaadsiin kartay ama meesha ay ka qaadi kareen caabuqa.

19.    WA Notify maku shaqeeyaa taleefannada casriga ah ee hore?

dadka isticmaala iPhone waxay isticmaali karaan WA Notify haddii nidaamka ku shaqeeya taleefankaaga uu yahay:

  • iOS Nooca 13.7 ama mid ka dambeeyey (kuwa isticmaala iPhone 6s, 6s Plus, SE ama ka cusub)
  • iOS nooca 12.5 (kuwa isticmaala iPhone 6, 6 plus, 5s)

Dadka isticmaala Android ka waxay adeegsan karaan WA Notify haddii Android kaagu casriga ah ku shaqaynaayo aalada Bluetooth Low Energy nuqulka Android kuna yahay 6 (API 23) ama ka badan.
 

20.    Ma qasab baa inaan jiro 18 si aan u isticmaalo WA Notify?

Maya. WA Notify ma yaqaano ama ma hubiyo da'daada.

21.    Aaladaan ma shaqayn doontaa haddii aan taleefanka u dhiibo qof kale?

Wa Notify ma sheegi karto qofka isticmaalaaya taleefan waqtiga taleefanku u dhawaa qof caabuqa qaba. Haddii aad talefan cid kale wadaagtaan, qof kasta oo taleefanka isticmaalaha waa inuu raacaa tilmaamaha caafimaadka dadwaynaha haddii WA Notify sheegto in laga yaabo inaad la joogtay qof qaba COVID-19.

22.    WA Notify ma ku shaqeeyaa aaladaha sida iPad ama saacadaha casriga ah?

Maya. Naqshada Ogaysiiska Qaadista Caabuqa waxaa si gaar ah loogu sameeyay taleefannada casriga ah kumana shaqaynaayo iPad yada ama taableetyada.

23.    Maxay Washington u dooratay aaladaan?

Washington waxaa u dhisan kooxda kor joogtaynta, ayna ku jiraan khubarada ammaanka iyo adeegyada madaniga ah iyo xubno kasocda bulshooyinka kaladuwan, si ay dib u eegis ugu sameeyaan aaladaan Apple/Google. Kooxda ayaa ku talisay in aalada la dhaqan gasho ayadoo laga eegaayo waxtarka la xaqiijiyay ee aalada, difaaca adag ee xogta iyo inay gobalada kale adeegsadaan.

24.    Muxuu gobalka Washington samaynayaa si uu ugu fududeeyo helitaanka tignooloojiyadaan dadka aan haysan taleefannada casriga ah?

WA Notify maaha aalada kaliya oo gacanta ka gaysanaysa kahortaga faafida COVID-19. Dabagalka dadka la joogay qofka caabuqa qaba iyo dadaalo kale ayaa faa'iido u leh qof kasta oo dagan Washington, xataa haddii aysan haysan taleefan casri ah. Xirashada maaskarada, kala fogaanshaha dadka, iyo yaraynta dadka aad isku imaanaysaan ayaa ah qaabab kale oo qof kasta gacan uga gaysan karo joojinta faafida COVID-19.

25.    Waxaan helay ogeysiis ku saabsan in xogteyda WA Notify aan ugu deeqo hay'ada caafimaadka dadweynaha. Sabab?

Washington State Department of Health (DOH, Waaxda Caafimaadka ee Gobolka Washington) waxay dooneysaa inay ogaato sida wanaagsan ee WA Notify ay u shaqeyneyso si aan u sameyno wixii hagaajin ah ee loo  ga baahan yahay aalada. Haddii aad oggolaato inaad nala wadaagto xogtaada WA Notify, qarsoodiga macluumaadkaaga ayaa weli si buuxda loo ilaaliyaa. Ma jiro macluumaad shaqsiyadeed oo la uruurinaayo ama la wadaagayo mana jiri doonto qaab laguugu aqoonsan karo. Kaliya DOH ayaa heli karta xogtaan waxaana lagu isticmaali karaa kaliya heer gobol.

26.    Haddii iticmaalayaasha WA Notify ay oggolaadaan inay wadaagaan xogtooda, waa maxay xogta la uruurinayo?

Haddii aad ogolaato inaad nala wadaagto xogtaada, qarsoodiga macluumaadkaaga ayaa weli si buuxda loo ilaaliyaa. Ma jiro macluumaad shaqsiyadeed oo la uruurinaayo ama cid lala wadaagayo sidaas darteed ma jiri doonto qaab laguugu aqoonsan karo. Kaliya Waaxda Caafimaadka ee Gobolka Washington ayaa arki karta xogtaan heer-gobol ah, kuwaas oo ay ku jiri doonaan:

  • Tirada dadka oggol inay xogtooda ku wadaagaan WA Notify. Tani waxay naga caawinaysaa inaan ogaanno waxa ay ka kooban tahay muunadeena.
  • Tirada ogeysiisyada soo-gaadhista cudurka ee ay heleen isticmaalayaasha WA Notify. Tani waxay naga caawineysaa inaan aragno isbaddellada faafitaanka COVID-19.
  • Tirada dadka gujinaya ogeysiiska muujinaya in qofka uu soo gaadhay cudurka. Tani waxay naga caawineysaa inaan sahaminno sida ay dadku u doonayaan inay tixgeliyaan/raacaan talooyinka waaxda caafimaadka dadweynaha. 
  • Tirada dadka ka agdhowaa qof iska baaray oo laga helay cudurka COVID-19, laakiin aan aad ugu dhowayn ama muddo aan dheereyn oo aan ku filnayn la joogey si loogu diro ogeysiiska soo gaadhista cudurka. Tani waxay naga caawineysaa inaan tixgelinno in algorithm-ka lagu go'aamiyo in qofku soo gaadhay cudurka ee aalada WA Notify ay tahay in wax laga baddelo. 

27.    Markii aan WA Notify ee ku jira taleefankayga aan ka shaqeeysiiyo, ma inaan badhanka "Digniinta Helitaanka" shido oo aan demiyo miyaa? 

Deminta way fiicantahay, in kastoo lagu taliyo in la shido haddii aad u safarto meel ka baxsan gobolka Washington waqti aad u badan. Marka ay "Helitaanka Digniinta" shidan tahay, waxaad heli kartaa ogeysiis markaad u safreyso meel laga isticmaalo teknolojiyadda ogeysiiska soo-gaadhista cudurka ee aan ka ahayn WA Notify. dadka isticmaala iPhone waxay ku dari karaan gobollo badan laakiin waxay kaliya hal gobol ka dhigi karaan mid shaqeeya halkii marba. Uma baahnid inaad ka saarto gobol si aad uga shaqeeysiiso mid cusub. Dadka isticmaala Android sidoo kale waxay taleefankooda u soo degsan karaan ablikeeshinada ogeysiiska bixiya markuu qofka cudurka soo gaaro sida WA Notify iyadoo jooga gobollo badan laakiin midka jooga keliya gobol isticmaalaya tikniyoolajiyad la jaanqaadi karta WA Notify ayaa shaqeyn kara halkii marba.

28.    Maxay ugu egtahay in ablikeeshinka WA Notify uu isticmaalaayo batari badan?

Dhab ahaantii, sidaas maahan. Isticmaalka baytariga aaladdaada waxay muujineysaa boqolkiiba inta batteriga la isticmaalo maalin kasta oo ay ku jiraan inta uu isticmaalo ablikeeshinka WA Notify. Ablikeeshinada badankooda ma shaqeeyaan habeenki. WA Notify sidoo kale ma shaqeeyo habeenkii, laakiin WUXUU hubiyaa lambarrada aan kala sooca lahayn dhowrkii saacadoodba mar si loo raadiyo isticmaalayaasha cudurka qaba si uu kaaga digo in cudurka uu ku soo gaaray in kale. Sidaas darteed, tusaale ahaan, haddii ablikeeshino kale aanan shaqeynin intaad jiiftid, WA Notify ayaa noqon doonta ablikeeshinka isticmaalay dabka bateriga boqolkiiba inta ugu badan muddadaas. Taas macnaheedu maaha ablikeeshinka WA Notify inuu isticmaalaayo dab badan oo batariga ah - kaliya waxay la micno tahay inuu isticmaalay boqolkiiba inta ugu badan ee dabka batteriga la isticmaalay. 

29.    Miyaan taageerada tiknoolajiyada u heli karaa ablikeeshinka WA Notify ee taleefannada Android-ka?

Haa. Google waxa uu iimayl u sameeyey dadka ay dhibaato ka haysato qalabka inay codsadaan talo ama tilmaamo dheeraad ah. Iimayl u dir exposure-notifications-api-support@google.com 

30.    Washington waxay WA Notify ku sii daysay 29 luuqadood, marka maxaan kaliya u arkaa Ingiriisiga iyo Isbaanishka marka uu ku jiro Google Play?

WA Notify wuxuu ku shaqeeyaa luuqadda ku hagaagsan taleefanka isticmaalaha. Waxaa jira hal nooc oo ah WA Notify, laakiin waxkasta oo iska soo baxa - ogeysiiska soo-gaadhis cudurka oo kale, tusaale ahaan - waxay ku soo muuqan doonaan luuqadda uu doorbidayo isticmaalaha ee ka midka ah 29ka luqadood ee ablikeeshinka gobolka Washington laga hirgaliyay. 

Warbixinaha Hada

Laga bilaabo Juun 26, 2020, dhamaan dadka degan Gobolka Washington waxa looga baahan yahay in ay xirtaan daboolka wajiga hadii ay joogaan goob dadweyne dhexdeeda ama dibada oo aanay awoodin in ay ka fogaadaan 6 feet (2 mitiris) dadka kale. Dadka waxay yeelan karaan xaalado caafimaad oo keeni kara khatar inaanu qof ku xiran daboolka wajiga, lakiin qofna loogama baahna inuu cadeyn keeno haduu qabo xaalad caafimaad. Sidoo kale, dhamaan shaqaaleysiiyayaasha waxa looga baahan yahay in ay siiyaan daboolka wajiga iyo maaskara dhamaan shaqaalaha aan kali shaqeyn.

May 31, Barasaab Inslee wuxuu kordhiyey joojinta ku meel gaarka ah ee adeega khadka iyo habsanka khidmada ee Julaay 28 dhamaan xarumaha tamarta, tilifoonada, iyo biyaha. Dadka degan waxa lagu dhiiri galinayaa in ay wacaan shirkadooda adeegyada asaasiga ah si toos ugu weydiiyaan caawimada bixinta biilasha.

Barasaabku wuxuu sidoo kale kordhiyey joojinta ku meel gaarka ah ee kiro kasaarista ilaa Ogos 1. Hadii xaqlaha gurigaaga ama maamulaha hantidu uu jabinaayo joojinta ku meel gaarka ah, waxaad wici kartaa Xafiiska Xeer Ilaaliyaha Guud ee gobolka oo fariin uga tag (833) 660-4877 oo dooro khiyaarka 1. Xubin shaqaalaha ah ayaa dib kuusoo wici doona.

Waa maxay COVID-19?

COVID-19 waa xanuun hawo-mareenka ku dhaca. Wuxuu ku fidaa hindhisada iyo qufaca, ku dhawaanshaha dadka kale, oo ay ku jiraan gacmo qaadista, iyo cunto ama cabitaank wadaagista.

Waa maxay astaamuhu?

Astaamaha guud ee COVID-19 waa qufac, neefsasho adkaan ama ugu yaraan labo ka mid ah astaamahan: Xumad, Xumadaran, gariir joogto ah oo xumad leh, muruq xanaan, madax xanuun, cuno xanuun, dhadhan cusub ama ur cusub.

Yaa khatarta ugu badan ugu jira?

Dadka waaweyn, dadka da'kasta ah ee leh xanuuno kale, iyo dumarka xaamilada ah ayaa khatar badan ugu jiri kara xanuunka daran ee COVID-19.

Badbaadi naftaada iyo bulshadaada:

  • Joog guriga intii macquula, gaar ahaan hadii aad xanuusaneysid.
  • Ku isticmaal marada daboolka wajiga meelaha dadweynaha.
  • Ka fogow lix feet (2 mitir) dadka kale.
  • U dhaq gacmahaaga si joogto ah ama isticmaal gacmo nadiifiye.
  • Dabool qufacaaga iyo hindhisadaada.
  • Ha taaban wajigaaga.
  • Nadiifi oogada gurigaaga.
  • Hadii aad leedahay astaamaha COVID-19, la xiriir daryeel caafimaad bixiyahaaga oo weydiiso in lagu baaro. Hadii aanad lahayn daryeel caafimaad bixiye, la xiriir xarunta daryeelka degdega ah ee kuugu dhow. Hadii aanad lahayn caymis, la xiriir waaxda caafimaadka ee deegaankaaga.

Macluumaad dheeraada iyo xog ku sahabsan COVID-19 iyo ilaalinta caafimaadka:

Dib u Furista Washington: Safe Start Plan

Si loo joojiyo fiditaanka COVID-19, Barasaab Inslee wuxuu weydiistay dadka degan Washington in ay guriga joogaan intii macquula. Waxa jira qorshe afar waji oo dib loogu furaayo ganacsiyada iyo dhaqdhaqaaqyada. Degmada kastaaba waa in ay martaa afarta waji.

Dhaqdhaqaaqyada muhiimka ah ee hada la ogol yahay waxa ku jira:

  • Dhaqdhaqaaqyada muhiimka ah sida dukaamaysiga khudaarta, helida gaaska, soo qaadashada daawada ama tagida balan caafimaad.
  • Tagida shaqadat ganacsi muhiima ama ganacsi loo ogol dib u furis marka la eego qorshaha barasaabka ee Safe Start.
  • Kasoo qaadashada cunto hudheel dhow. Hudheeladu waxay furan yihiin mudo xadidan in lagu cunteeyo oo ka bilaabmaysa Wajiga 2.
  • Ubax socod iyo jimicsi dibada, ilaa iyo inta kala fogaansho lix feet ah (2 mitiris) la sameynayo. Ku naso meelaha u dhow guriga si aad iskaga ilaalisid fiditaanka COVID-19 ka baxsan bulshadaada.
  • Isticmaalka maalintii ee baaraha dalxiiska iyo meelaha dadweynuhu ka kaluumaystaan, u gaadhsadaan ama ujeedooyinka kale ee madadaalada. Dalxiiska dibada waxa la ogol yahay beeraha dalxiiska ee degmooyinka ku jira ugu yaraan Wajiga 2.

Macluumaadka la Xiriira Shaqaaleysiinta & Ganacsiga

Kabka Shaqo La'aanta

Hadii aad weydo shaqadaada, waxaad heli kartaa kabka shaqo la'aanta. Hadii aad u baahan tahay macluumaad ku sahabsan sida loo buuxiyo codsiga kabka shaqo la'aanta, waxaad wici kartaa 1-800-318-6022. Markay ka jawaabaan, sheeg luuqadaada si aad u heshid adeegyada turjumaada.

Shaqaalaha iyo Xaqlayaasha Ganacsiga

Xanuunka karoonafayras wuxuu saameeyey boqolaal kun oo shaqaale iyo shaqaaleysiiyayaal gobolkeena ah.

Si loo badbaadiyo shaqaalaha, shaqaaleysiiyayaasha waxa looga baahan yahay in ay:

  • Wax kaga baraan shaqaalahooda calaamadaha iyo astaamaha COVID-19 luuqad ay fahmayaan.
  • Hirgaliyaan qorshe kala fogaansho bulsho.
  • Fuliyaan nadiifin iyo neermis dilis joogto ah.
  • Hubiyaan gacmo dhaqis joogto ah oo saxa.
  • Hubiyaan in shaqaalaha bukaa guryaha joogaan.

Hadii aad ka qabto walaacyo badqabka goobtaada shaqada, waxaad gudbin kartaa cabasho adoo u wacaya si toosa Department of Labor & Industries 800-423-7233. Adeegyada turjumaada tilifoonku waa diyaar.

Hadii aad su'aalo ka qabtid ganacsigaaga iyo shaqaalahaaga inta lagu jiro COVID-19, waxaad ka wici kartaa Waaxda Amniga Shaqaalaha 855-829-9243.

Macluumaadka Caymiska Caafimaadka iyo Daryeelka Caafimaadka

Waxaad bilaash ama qiime hoose ku heli kartaa caymiska caafimaadka. Ka wac Health Care Authority 1-855-923-4633. Markay ka jawaabaan, sheeg luuqadaada si aad u heshid adeegyada turjumaada.

Alien Emergency Medical (AEM) Caymiska waa barnaamij loogu talo galay shakhsiyaadka leh xaalad caafimaad oo ku haboon oo aan buuxin shuruudaha muwaadinimo ama muhaarijinimo, ama ku haboon dadka aan buuxin shuruuda 5-sano.

Khadka Help Me Grow Washington ee 1-800-322-2588 wuxuu aqoonsan karaa barnaamijyada caafimaadka kala duwan iyo adeegyada aad ku haboon tahay wuxuuna kaa caawinaya inaad codsatid. Tani waxa ku jirta:

  • WIC (Barnaamijka Dumarka, Caruurta & Nafaqda Caruurta)
  • Caymiska Caafimaadka Caruurta, dumarka xaamilada ah iyo dadka waaweyn
  • Xakameynta dhalmada ee Barnaamijka Kamasuul noqo
  • Shaybaadhada caafimaadka iyo kala korinta qoyska
  • Alaabta xaamilada iyo cunuga
  • Caawimada naasnuujinta
  • Waxay sidoo kale hayaan barnaamijyo cunto iyo macluumaad.

Macluumaadka Muhaajiriinta iyo Qaxootiga

Office of Immigrant and Refugee Affairs (OIRA) wuxuu ka caawiyaa muhaajiriintu in ay fahmaan xaqiiqooyinka COVID-19 iyo walaacyada muhaajiriinta, sida Lacagta Dadweynaha. Waxyaabo kale oo muhiim ah inaad igaatid:

The Office of Immigrant and Refugee Affairs (OIRA) helps immigrants understand important facts about Covid-19 and immigrant concerns, such as Public Charge. Some other important things to know:

  • Cisbitaalada iyo shaybaadhada looma ogola in ay la wadaagaan xaalada muwaadiniinta iyo muhaajiriinta ICE.
  • Helida baadhista COVID-19 iyo helitaanka daryeelka saqada ama qiimo dhismista ah ee caafimaad ma saameyn doonaan awoodaada inaad codsatid kaadhka cagaaran ama muwaadinimo.
  • Waxaad u baahan tahay lambarka adeegyada asaasiga ah ee bulshada si aad u codsatid kabka shaqo la'aanta. Hadii aad rabtid inaad qof kala hadashid helitaanka kabka shaqo la'aanta wac 1-800-318-6022.
  • Helitaanka kabka shaqo la'aantu ma khatar galin doono awoodaada codsashada kaadhka cagaaran ama muwaadinimada ee hoos yimaada Shuruucda Lacagaha Dadweynaha.
  • Waxaad ku haboonaan kartaa Fasaxa Mushaharka leh ee Caafimaadka iyo Qoyska ee Gobolka Washington si aad u daryeeshid qof u xanuusanaya COVID-19 ama u daryeeshid naftaada hadii aad qabtid fayraska. Uma baahnid lambarka adeega asaasiga ah ee bulshada si aad u heshid kabkan. ESD waxay aqbashaa noocyo badan oo dukumentiyo ah.
  • Hadii aad tahay xaqle ganacsi oo raadinaya caawimo, codsashada daynta Small Business Administration Masiibada ee fadaraalka ma saameyn doonto awoodaada inaad codsatid kaadhka cagaaran ama muwaadinimada ee hoos yimaada Sharciyada Dadweynaha.

Ogeysiis gaar u ah Dadweynaha: Ololeeyayaal badan ayaa kula taliya qoysasku in ay sii wadaan in ay isticmaalaan adeegyada ay ku haboon yihiin. Haseyeeshee, xaalad kasta oo muhaajirnimo waa gaar. Office of Immigrant and Refugee Affairs (OIRA) wuxuu ku talinayaa hadii aanad hubin xaaladaada ama xubin ka tirsan qoyska iyo/ama isticmaalka kabka, waa inaad la hadashaa xeer ilaaliyaha muhaajirnimada ama Department of Justice (DOJ) wakiil la ansixiyey. Waxaad awoodi doontaa inaad ka heshid looyar American Immigration Lawyers Association. ama waxaad booqan kartaa DOJ-shabakada ururka la ansixiyey.

OIRA wuxuu leeyahay barnaamijyo lagaga caawinayo qaxootiga iyo muhaajiriinta:

  • Shaqo raadinta iyo tababaro:
  • Taageerada Socdaalka.
  • Tababo barida Dhalinyarada.
  • Caawimada qaxootiga dadka waaweyn ah, caruurta, ardeyda, iyo dadka kale.
  • Barnaamijyo joogto ah oo u furan qaabka onlaaynka ah inta lagu jiro COVID-19. Xafiisku wuxuu leeyahay adeegyo cusub si oo kaaga caawiyo inaad codsatid shaqooyinka ama shaqo la'aanta, taageerada waxbarashada, iyo caawinta kirada. Ku haboonaanshaha Caawimada Lacagta ee Qaxootiga iyo Caawimada Qaxxotiga ee Caafimaadka waxa la kordhiyey ilaa Sabteembar 30, 2020.
  • Adeegyada iyo macluumaad dheeriya, wac 360-890-0691.

Su'aalaha ku sahabsan xuquuqda muhaajiriinta, helida caawimada gudbinta ee qaraabada/ asxaabta la xiray, iyo macluumaadka kale ee la xiriira, waxaad la xiriiri kartaa Khadka Shabakada Muhaajiriinta ee Washington 1-844-724-3737. Turjumaada tilifoonku waa diyaar.

Caafimaadka Maskaxda iyo Dareenka

Wakhtigani wuxuu noqon karaa mid warwar leh. Waa caadi in adiga ama kuwa aad jeceshahay ay dareemaan walaac, murugo, cabsi ama cadho. Kaligaa ma tihid. Waa caadi inaad raadisid oo weydiisid caawimo.

Qofkastaaba si khaasa ayuu uga falceliyaa walaaca iyo xaaladaha adag. Shayga ugu muhiimsan ee aad sameyn kartaa waa inaad daryeeshid naftaada, qoyskaaga, iyo bulshadaada intii aad awoodid.

Maxaa kaa caawiya inaad la tacaashid wakhtiyadan adag inta lagu jiro? Miyaad la xiriirtay oo la hadashay asxaabta iyo qoyska? Laga yaabaa neef qaadasho dheer iyo iskala bixin, waxoogaa jimicsi ah, ama hurdo kugu filan? Wakhti u sameynta daryeelka naftaada, haseyeeshee taasi way ku daryeeli kartaa, waxayna kaa yareyn kartaa walaaca.

Ka wac Washington Listens 1-833-681-0211. Adeegyada turjumaada tilifoonku waa diyaar. Iyadoo laga jawaabayo xanuunka COVID-19, Washington waxay bilowday barnaamijka caawimada ee loogu yeedho Washington Listens. Dadka isticmaala adeegyada Washington Listens waxay helaan caawimo si ay u maamulaan warwarka ulana tacaalaan isbadalan uu keenay COVID-19. Washington Listens wuxuu diyaar u yahay qofkasta oo ku nool Washington inuu la hadlo khabiir taageera. Soo wacayaashu waxay helaan caawimo iyo isku xidh macluumaadka bulshada goobta ah. Barnaamijku waa qarsoodi.

Hadii aad mushkilad ku jirtid oo aad u baahan tahay inaad la hadashid qof si aad u heshid talo, waxa jira ikhtiyaaro kooban.

  • Disaster Distress Helpline wuxuu bixiyaa la talin mushkiladaha degdega ah ee dadka waajahaya walaac dareen oo la xiriira masiibo dabiiciya ama binaadam sababay Wac 1 800-985-5990. Markay ka jawaabaan, sheeg luuqadaada si aad u heshid adeegyada turjumaada. Khadka caawimadu waa diyaar 24 saac maalin kasta.
  • Crisis Connections waxay leedahay 24 saac oo Khadka Mushkilad xalinta ah oo siiya caawimo degdega shakhsiyaadka, qoysaska, iyo asxaabta dadka ku jira mushkilado dareen. Waxay u adeegtaa dadka ku nool Degmada King. Turjumaada luuqadu waa diyaar. Wac 1-866-427-4747.
  • National Suicide Prevention Lifeline wuxuu siiyaa ka hortaga iyo macluumaadka mushkiladaha dadka ka fikiraaya isbiimaynta. Kuwa aad jeceshahay waxay sidoo kale wici karaan khadka caawimada si ay helaan macluumaad ay ku caawiyaan qoysaskooda iyo asxaabtooda. Wac 1-800-273-8255. Khadkan caawimadu wuxuu diyaar yahay 24 saac maalintiiba, 7 cisho todobaadkiiba. Waxa jira khad gaara oo loogu talo galay caawimada shaqaalaha dawlada. Wac 1-800-273-8255 oo ka dib taabo 1. Hadii aad naafo ka tahay maqalka, wac1-800-799-4889.

Khayraadka Cuntada

Hadii aad leedahay ilmo dadiisu tahay 18 ama ka yar waxay ka heli karaan cunto bilaasha dugsiyada. Dadka waaweyn ee naafada ah ee ka diwaan gashan barnaamijyada waxbarashadu waxay sidoo kale ku haboonaan karaan cuntooyinka dugsiyada. Xaalado badan, cuntooyinkani waxa la keenaa ama la soo dhigaa goobaha dugsiga sida istaanka baska. La xiriir degmada dugsigaaga si aad u ogaatid in ay bixiyaan cuntooyin bilaasha.

Kuwa xaamilada ah, hooyooyinka cusub iyo caruurta ka yar da'da shan sano, waxaad awoodi kartaa inaad ka heshid cunto Barnaamijka Department of Health’s Dumarka, Sabiyada iyo Caruurta (WIC). Caawimada luuqada, wac 1-866-632-9992.

Goobaha cuntooyinku waxay badeleen saacadahooda ama waxay u guureen in socodka laga qaato maxaa yeelay dalab cuntoo kordhay intii lagu jiray COVID-19. Fadlan wac ka hor intaanad tagin. Northwest Harvest waa shabakad cuntoo wadankoo dhan ah. Ku qor magaca magaaladaada sanduuqa dhanka bidix ee sanduuqa giriinka shabakada.

Hadii aad ku nooshahay Bariga Washington waxaad ka heli kartaa liiska goobaha cuntooyinka Second Harvest. Ka dooro degmadaada shabakadan liiska goobaha cuntada ee goobtaada.

Macluumaadka iyo Khayraadka Qoysaska

Kani waa wakhti warwar ku leh dhamaan qoyska. Halkan waxa ah waxoogaa talooyinka sida loola tacaalayo xaaladan iyo caruurtaada.

Ku qabo doodo qoys meel ku haboon oo ku dhiiri gali xubnaha qoysku in ay su'aalo is weydiiyaan. Tixgali la yeelashada doodo gaara caruurta yaryar si ay u isticmaalaan luuqada ay fahmi karaan oo ay wax uga taabtaan meela u gaarka ah iyo fahanka khaldan.

Kala soco qoyska iyo asxaabta tilifoonka ama adeegyada onlaanka ah.

Inkastoo aad u baahan tahay inaad wax ogaatid, yaree isticmaalka warbaahinta ama baraha bulshada ee keeni kara baqdin ama argagax. Si gaara uga war hay (oo xadid) sida wakhtiga warbaahinta ama baraha bulshada caruurtaadu u isticmaalayso ee khuseysa xanuunka.

Diirada saar caawimada carruurta adigoo ku dhiiragelinaya inay su'aalo kana caawinaya inay fahmaan xaalada hadda jirta:

  • Kala hadal dareenkooda oo u sax.
  • Ka caawi inay muujiyaan dareenkooda iyagoo isticmaalaya sawirro ama nashaadyo kale.
  • U caddeey faahfaahinada khaldan ama isfaham la'aanta ku saabsan sida fayrasku uu u fido iyo in cudur kasta oo neefmareenka ku dhaca uusan ahayn xudunta karoonafayras COVID-19.
  • U nasteexeey oo sii dulqaad yar oo dheeraad ah.
  • Si joogto ah oo dhow ula soco ama u hubi carruurtaada ama marka ay xaaladdu isbaddesho.
  • Ka dhig jadwalka qoyskaaga mid joogto ah hadday tahay wakhtiga jiifka, cuntada iyo jimicsiga.
  • Waqti u keydi oo aad ku samaysaan waxyabaha adiga iyo qoyskaagaba idin dareensiiya marka aad ku jirtiin xaaladaha kale ee walaaca leh, sida aqriska, daawashada filimada, dhageysiga muusikada, ciyaarista ciyaaro, jimicsiga ama ka qeybqaadashada howlaha diinta (salaadda, ka qeybqaadashada adeegyada interneetka).
  • Ogoow in dareenada ay ka mid yihiin keli ahaanta, caajisnimada, cabsida ah in cudurka la qaado, welwel, walaac iyo argagaxa ay yihiin falcelin iskacaadiga ah oo ku aadan xaalad welwel leh sida xanuunka.
  • Ka caawi qoyskaaga in ay ku lugyeeshaan dhaqdhaqaaqyo farxad leh oo micno leh joogtana u ah qoyskaaga iyo qiimaha dhaqankaaga.

Dadka ka waaweyn 60 sano ayaa halis ugu jira xanuunka daran ee COVID-19. Hadii aad leedahay xubno qoyska ah oo kula nool adiga, aqoonso hababka loo yareeyo khatarta.

  • Qoyska khatarta aan ugu jirin way dukaanmaysan karaan sameyna karaan dhaqdhaqaaqyada muhiimka ah.
  • Hubi inuu qofkastaa dhaqo gacmihiisa markuu guriga yimaadaba. Nadiifi meelaha la wadaago, oogooyinka, iyo qololka badanaa.
  • Hadii hal qof oo qoyskaaga ah halis u galo ama yeesho astaamaha, karintimee intaad kartid. Waxay aad u fiican hadii ay heli karaan qol gooniya iyo suuli. Nadiifi goobaha badanaa oo hubi in qofkasta oo qoyska ka tirsan xirto maaskaro inta lagu jiro wakhtiga qoskastaaba xanuusanaayo ama khatar ugu jiro.

Khayraad iyo Macluumaad Dheeraada